“ჩემი ამბიციაა, რომ ჩემს სახელს დაუკავშირდეს ერთიანობა და ცვლილებები” – ნიკა გვარამია

“ჩემი ამბიციაა, რომ ჩემს სახელს დაუკავშირდეს ერთიანობა და ცვლილებები”, – ამის შესახებ პარტია “ახალის” თანათავმჯდომარე ნიკა გვარამია “რადიო თავისუფლებასთან” ინტერვიუში საუბრობს.

“მე დიდი გაერთიანების მომხრე ვარ, რეზერვაციები საერთოდ არ არ მაქვს ამ მიმართულებით. მე ნებისმიერი ჩემი ამბიციის დათმობისთვის ვარ მზად. ჩემი ამბიცია არის, რომ ჩემს სახელს დაუკავშირდეს ერთიანობა და ცვლილებები. ეს ამბიცია მაქვს. პრემიერმინისტრი გავხდე, პარლამენტის თავმჯდომარე და ასე შემდეგ, ეს ამბიცია მე არ მაქვს. შეიძლება ეს უფრო დიდი ამბიციაა და უფრო თავხედი ვარ, მაგრამ მე ეს მაინტერესებს.

ის ვინც ალბათობა მაინც არსებობს, რომ ბიძინა ივანიშვილის ტროლია, გამორიცხულია [ჩვენთან იყოს]. ფილტრი უნდა დავაყენოთ, რომ ვინმე არ შემოიპაროს. შეიძლება რა მოხდეს, იცით, ვიღაც გაიყვანო პარლამენტში შენი სიით და ის აღმოჩნდეს ბიძინა ივანიშვილისთვის ხმების შემვსები. ეს არ უნდა მოხდეს, როგორც პარტიის შემთხვევაში, ისე ინდივიდების შემთხვევაში. ფრთხილად უნდა იყო ამ თვალსაზრისით”, – ამბობს ნიკა გვარამია. 

აქვე, ინტერვიუში ის კონკრეტუ პოლიტიკურ პარტიებსა და ადამიანებს ასახელებს, ვისთან ერთიანობაც მისთვის და “ახალისთვის” საინტერესოა.

“ჩემთვის მთავარი ამბავია რომ სანდო ძალასთან მქონდეს საქმე, პროდასავლურ და ბრძოლისუნარიან ძალასთან. მე “ლელოს” ვსიმპატიზირებ, “გირჩი-დროას” ვსიმპატიზირებ, ცალკეულ ადამიანებს, მაგალითად ნინო ლომჯარიას ვსიმპატიზირებ, გიორგი ქადაგიძეს ვსიმპატიზირებ. მინდა ბოლო-ბოლო გადაწყვიტოს ზოგიერთმა მსხვილმა ფიგურამ პოლიტიკაში შემოსვლა – ვიცი, სურვილი არის, მაგრამ გადაწყვეტილება არ არის. ასე არასოდეს არაფერი გამოვა. რაღაც თვალსაზრისით თვალები უნდა დახუჭო და წინ ნაბიჯი გადადგა. ბოლომდე ურისკო ეგეთი გადაწყვეტილებები ვერ იქნება. სიახლეები მხოლოდ ასე იწყება”, – თქვა ნიკა გვარამიამ.

გააზიარეთ და მოიწონეთ სტატია:

მსგავსი სტატიები:

“დღე ისე დაიწყება, როგორ განწყობასაც შეიქმნი” 37 წლის ასაკში ჟურნალისტი კობა ალხაზაშვილი გარდაიცვალა რატომ ხსნიდნენ დვაბზუს გამგებელს სტრასბურგის სასამართლო მიხეილ სააკაშვილის საქმესთან დაკავშირებით ინფორმაციას ავრცელებს გურული ოდა – დახვეწილი არქიტექტურული ფორმის ნაგებობა “საერთოდ გაქვთ წაკითხული რომელიმე კანონი?” – ბრეგაძე ენმ-ის შუამდგომლობაზე მდგო­მა­რე­ო­ბა გა­უ­ა­რე­სე­ბუ­ლია. მარ­ტი­დან სიცხე აქვს – გიული ალასანია სააკაშვილის ჯანმრთელობის მდგომარეობაზე „შეჩერდით, წინ მართლა უფსკრულია“ – ნაირა გელაშვილი რუსულ კანონზე