ივანიშვილმა მიიღო გზავნილი, რომ აშშ კობახიძის მთავრობასთან კომუნიკაციას წყვეტს – დროება

”დროების” ინფორმაციით, ქართული ოცნების დამფუძნებელმა და საპატიო თავმჯდომარემ, ბიძინა ივანიშვილმა ამერიკის შეერთებული შტატებიდან პირადად მიიღო გზავნილი, რომლის თანახმადაც ვაშინგტონი პრემიერმინისტრ ირაკლი კობახიძესა და მის ადმინისტრაციასთან კომუნიკაციას წყვეტს. ეს კობახიძესთან შეერთებული შტატების ელჩის დაბარების და ვაშინგტონისადმი ღიად გაჟღერებული მუქარის შემდეგ მოხდა.

გარდა ამისა, დროების ცნობით, ივანიშვილს გადაწყვეტილი აქვს მთავრობას ამერიკიდან საქართველოს ელჩი გამოაწვევინოს.

***

20 სექტემბერს, ამერიკის ხმამ გაავრცელა ინფორმაცია, რომ შტატებს ქართული ოცნების დამფუძნებლის ბიძინა ივანიშვილის წინააღმდეგ სანქციები აქვს შემუშავებული და მის უახლოეს მომავალში დაწესებას განიხილავს. ამერიკის ხმის წყაროების ინფორმაციით, სანქციების პაკეტზე ამერიკის ხაზინის და სახელმწიფო დეპარტამენტები მუშაობენ. როგორც წყარო ამბობს, აქვთ ინფორმაცია, რომ ბიძინა ივანიშვილმა “გადადგა ნაბიჯები, რათა განევითარებინა ურთიერთობები რუს ოლიგარქებთან, გადადგა ნაბიჯები, რათა რუსეთისთვის მიეცა უკეთესი წვდომა საქართველოს ბაზრისთვის. ფაქტობრივად, მან გარკვეული ქმედებები რუსეთის სადაზვერვო სამსახურის მითითებით გაატარა”.

17 სექტემბერს, პრემიერმინისტრი ირაკლი კობახიძე საქართველოში აშშ-ის ელჩს რობინ დანიგანს შეხვდა – ეს მას შემდეგ მოხდა, რაც სახელმწიფო დეპარტამენტმა ახალი სანქციების შესახებ განაცხადა. შეხვედრაზე კობახიძე აშშ-ის ელჩს “ურთიერთობის თვისებრივი გადახედვით” დაემუქრა. კერძოდ, მთავრობის მიერ გავრცელებული ინფორმაციის თანახმად, კობახიძემ ელჩს უთხრა, რომ “აშშ კრიტიკულ ზღვარს მიუახლოვდა” და “კიდევ ერთი მსგავსი გადაწყვეტილების შემთხვევაში, ქართულ ამერიკული ურთიერთობების თვისებრივი გადახედვით” დაიმუქრა.

გააზიარეთ და მოიწონეთ სტატია:

მსგავსი სტატიები:

რაზე და რამდენით დავჯარიმდებით ბათუმის ბულვარში | ადმინისტრაცია სანქციების სიას აქვეყნებს “როგორც არასდროს ისეთი შემართებით ვარ…თუ გვინდა სამუშაო ადგილები, მატერიალური მდგომარეობის გაუმჯობესება, მაშინ ხმა უნდა მივცეთ ოპოზიციურ ძალებს”-ანზორ მელია ბოლო ცნობები უკრაინიდან ”ვწუხვარ ყოფილ პრეზიდენტზე, როგორც უსამართლობის კრებით სახეზე” ”გამოიწვევ ეერს? წააგებთ! ბათუმში ორი მოგზავნილი “პროვოკატორის” მეტი არ შეგვხვედრია” სახალხო დამცველის საგანგებო განცხადება ფარულ მიყურადებაზე სტალინის შიფროგრამა 438/Ш ბენია ჩხიკვიშვილისა და ნოე ხომერიკისათვის დახვრეტის მისჯასთან დაკავშირებით “რაც პარლამენტში მოხდა, რა მიზეზითაც არ უნდა იყოს გამოწვეული, სხვა არაფერია თუ არა პოლიტიკური კორუფციის მკაფიო მაგალითი”