„როდესაც დავინახე აქ ჩაბნელებული ზუგდიდი, გამახსენდა 90-იანი წლები, შემდეგ, 2003 წელს მოვიდა „ნაციონალური მოძრაობა“ ხელისუფლებაში და გაანათა ქვეყანა. მჯერა, რომ 26 ისინი ისევ შემოიტანენ სინათლეს და გაანათებენ ქვეყანას, – ამის შესახებ მიხეილ სააკაშვილის დედამ ზუგდიდელებთან შეხვედრაზე ისაუბრა.
გიული ალასანიამ მოახლოებული არჩევნების მნიშვნელობაზეც ისაუბრა და იმედი გამოთქვა, რომ საქართველოს მოსახლეობა სწორ არჩევანს გააკეთებს და ქვეყანა უწინდებურად “განათდება”.
”ძალიან ემოციური დღეა დღეს ჩემთვის. რომ მოვედი და დავინახე აქ ჩაბნელებული ზუგდიდი, გამახსენდა 90-იანი წლები. მე პეკინის ქუჩაზე ვცხოვრობ და გამახსენდა ის წლები, როდესაც ხალხი გამოდიოდა და საბურავებს წვავდა ქუჩაში და ისე ამზადებდნენ სადილს და ორ დღეში ერთხელ რომ გვაძლევდნენ ერთი საათით დენს. შემდეგ, 2003 წელს მოვიდა „ნაციონალური მოძრაობა“ ხელისუფლებაში და გაანათა ქვეყანა. „ნაციონალურ მოძრაობას“ დიდი გამოცდილება აქვს ქვეყნის განათების და დარწმუნებული ვარ, რომ ისევ მოვლენ ახალი პროგრამით, იმ გამოცდილებით, რომელიც უკვე მათ აქვთ და შემოიტანენ ისევ სინათლეს, გაანათებენ ქვეყანას, მე ამის მჯერა.
ფინიშის ხაზზე ვართ, ძალიან ცოტა დაგვრჩა 26 ოქტომბრამდე. ეს ისტორიული არჩევნებია, ჩვენი ყოფნა-არ ყოფნის, ჩვენი სახელმწიფოებრიობის ყოფნა არ -ყოფნის საკითხი უნდა გადაიჭრას და მე დარწმუნებული ვარ, რომ საქართველოს მოსახლეობა გააკეთებს სწორ არჩევანს. საქართველომ მრავალი საუკუნის წინ გააკეთა ეს არჩევანი, უკვე პირველი საუკუნიდან, როდესაც მოხდა ქრისტიანობის გავრცელება ჩვენს ქვეყანაში, მათ გააკეთეს უკვე არჩევანი დასავლეთზე და ცოტახნის შემდეგ დამკვიდრდა ქვეყანაში მიწაზე კერძო საკუთრება. ქრისტიანობა და მიწაზე კერძო საკუთრება იყო ის ღერძი, რომელზედაც იდგა ჩვენი სახელმწიფო საუკუნეების მანძილზე. რა თქმა უნდა, ჩვენს ხალხს ჰქონდა სხვადასხვა კულტურებთან, სხვადასხვა ცივილიზაციებთან შეხება, მაგრამ ეს იყო ის ღერძი, რომელმაც გადაარჩინა ჩვენი ქვეყანა და დღესაც იქ ვდგავართ. 26 ოქტომბერს მე დარწმუნებული ვარ, რომ გაკეთდება ის ერთადერთი არჩევანი.
თქვენ გახსოვთ, რომ ჩემი შვილი თავიდანვე მოუწოდებდა საზოგადოებას გაერთიანებისკენ. ეს გაერთიანება, მისი აზრით, იყო გადარჩენის ყველაზე უტყუარი პირობა. ვერ შედგა, სამწუხაროდ, ეს გაერთიანება, როგორც წარმოედგინა ჩემს შვილს, მაგრამ არის გაუგებრობა, ეს ადრეც ხდებოდა ხოლმე. როგორც მოგეხსენებათ, მიხეილ სააკაშვილი აღიარებული სახელი იყო და ბევრს უნდოდა მასთან ყოფნა და რაღაცის გამო ვერ იყვნენ მასთან, მაგრამ საზოგადოებაში ავრცელებდნენ ინფორმაციას, რომ არიან მიხეილ სააკაშვილთან ერთად და სინამდვილეში, ხმას აძლევდნენ სხვა პარტიას. დღესაც არის ასეთი შემთხვევები, მე დავდივარ, ვხვდები ხალხს და ვხედავ, რომ ისევ არის ეს გარკვეული გაუგებრობა და მინდა, ყველას გითხრათ, რომ მიხეილ სააკაშვილი, მისი გუნდი და მისი თანამებრძოლები არის 5 ნომერი, მხოლოდ 5.
მე ყველას ვუსურვებ გამარჯვებას, ვინც იბრძვის საქართველოს სახელმწიფოებრიობის შენარჩუნებისთვის, ყველას ვუსურვებ წარმატებას და წინ გამარჯვებისკენ!” – განაცხადა გიული ალასანიამ.
მსგავსი სტატიები:
“ასეთ პირობებში ბავშვები დამეხოცებიან”- თევზაძეების ოჯახი სოფელ აცანიდან დახმარებას ითხოვს
ოკეანის ფსკერზე, სპორტულ ჩანთაში მოთავსებული გარდაცვლილი ბავშვის ცხედარი იპოვეს
საქართველოში ემიგრანტებს უფრო მეტი ფული შემოაქვთ, ვიდრე უცხოელ ინვესტორებს
ლანჩხუთში უხვი ნალექის შედეგად რამდენიმე სოფელში გზა დაიმეწყრა
”რუსეთმა მიწასთან გაასწორა ჩვენი ეკლესიის მიღწევები მას შემდეგ, რაც ავტოკეფალია გააუქმა და მეთაურად რუსი ეგზარქოსი დასვა”
აშშ-ს პრეზიდენტ ჯო ბაიდენს COVID-19 ხელმეორედ დაუდასტურდა
გურული მითოლოგია – ლამაზ ცხენზე ამხედრებული „ბოგინე“
ივანიშვილი რამდენჯერმე დაუძვრა ქართულ საზოგადოებას, ამჯერად მას მოტყუებისა და ჩვენი მოშვების სივრცე არ უნდა დავუტოვოთ – სააკაშვილი