მოვუწოდებ ქართველებს, გააგრძელეთ ბრძოლა! არ დანებდეთ! – მე არ მინდა საქართველოში ბელარუსიზაცია დავინახო – ამის შესახებ ბელარუსის ოპოზიციის ლიდერმა სვეტლანა ტიხანოვსკაიამ ბრიუსელში, „ინტერპრესნიუსის“ სპეციალურ კორესპონდენტთან საუბრისას აღნიშნა.
მისივე თქმით, არ უნდა ნახოს საქართველოს ბელარუსიზაცია.
„საქართველო იყო კარგი მაგალითი ბელარუსისთვის, რადგან თქვენ ასე შორს წახვედით ევროპულ ქვეყნების ოჯახში გაწევრიანების სურვილით და ახლა ძალიან რთულ პერიოდებს გადიხართ. მე არ მინდა საქართველოში ბელარუსიზაცია დავინახო, სადაც მთავრობები ავიწროებენ ყველა იმ ადამიანს, ვინც არ ეთანხმება ხელისუფლებას. მე ნამდვილად მოვუწოდებ ქართველებს, გააგრძელონ ბრძოლა და უბრალოდ დადგნენ პრინციპებისა და ღირებულებების გვერდით“, – განაცხადა სვეტლანა ტიხანოვსკაიამ.
ამასთან, როგორც მან აღნიშნა, ქართველები ბელარუსელი ხალხის „შთაგონებაა“.
„ეს დრო რთულია, მაგრამ ჩვენ მტკიცედ ვდგავართ თქვენს გვერდით და თქვენ ჩვენი შთაგონება ხართ. უბრალოდ არ დანებდეთ, ისევე როგორც ჩვენ ამდენი ხანია არ ვნებდებით. იმედია, თქვენ ამდენი დრო არ დაგჭირდებათ, მაგრამ მაინც უნდა გჯეროდეს და უნდა იბრძოლოთ.
არ მინდა საქართველო იყოს ისეთი, როგორიც სტალინის პერიოდში და რეპრესიები, როგორშიც ახლა ბელორუსი ცხოვრობს, სადაც არ გესმის, წესები და შეიძლება დაგაპატიმრონ არასწორი ფერების გამო [იგულისხმება ბელარუსის დემოკრატიული რესპუბლიკის დროშა], შენს ენაზე საუბრის გამო.
იმედია, საქართველოში ამას არ მივიღებთ, მაგრამ დიქტატორები ძალიან სწრაფად სწავლობენ ერთმანეთისგან და ამიტომ, დემოკრატიული ქვეყნები და ერები, რომლებიც დემოკრატიისკენ ისწრაფვიან, გაერთიანდნენ ბელარუსიზაციის წინააღმდეგ ბრძოლაში ამ სიტყვის ნეგატიური გაგებით“, – განაცხადა სვეტლანა ტიხანოვსკაიამ.
მსგავსი სტატიები:
საკარანტინე სივრცეებში და კოვიდინფიცირებულებისთვის გავხსნათ უბნები – ცესკო-ს შეთავაზება პარტიებს
“ოცნება” პიარისთვის ორმილიონნახევრიან ხელშეკრულებას აფორმებს
“გრიგოლ ვაშაძე ევროკავშირის საელჩოში მივიდა, მან შეთანხმების დოკუმენტს ხელი მოაწერა
ჩოხატაურის საკრებულოს თავმჯდომარეობის კანდიდატები ერთმანეთს ფიზიკურად დაუპირისპირდნენ
შემოქმედელი მიტროპოლიტის რეზიდენციის აივანზე უკრაინის დროშა ფრიალებს
ჯოკოვიჩი ამერიკის ღია პირველობას აუცრელობის გამო გამოტოვებს
“ჩვენს მავნებელ პრეზიდენტს მინდა ვუთხრა…..რომ თავი დაანებოს ნაცმოძრაობასთან ფლირტს“-ექსპერტი
“შრეკი” “ფიონა” და “ჩექმებიანი კატა” – რას აკეთებდნენ შტატებში წასული “ქართული ოცნების” მერები