“ცეცხლის შეწყვეტის მოლაპარაკებებში ტერიტორიების საკითხი ყველაზე რთული იქნება“ – ამის შესახებ უკრაინის პრეზიდენტმა ვლადიმირ ზელენსკიმ განაცხადა.
უკრაინის პრეზიდენტის ბრიფინგს წინ უძღოდა ზელენსკისა და ტრამპის სატელეფონო საუბარი, რომელიც ერთ საათზე მეტ ხანს გაგრძელდა.
ყველაზე რთული ტერიტორიების საკითხი იქნება. ვგრძნობ ამას, ჩვენ ეს გვესმის. ეს გამოწვევა იქნება ჩვენთვის და ჩვენ მაქსიმალურად დავიცავთ უკრაინას ამ საკითხებში, მაგრამ ეს ძალიან გაგვიჭირდება. პრეზიდენტ ტრამპს ესმის, რომ ოკუპირებულ ტერიტორიებს რუსეთის ტერიტორიებად იურიდიულად არ ვაღიარებთ. არის ტერიტორიები, არიან ქალაქები, რომლებიც ამა თუ იმ საკონტაქტო ხაზით არიან გაყოფილი. თუ ზოგ ადგილას ამ ხაზს დატოვებთ, თქვენ უბრალოდ დატოვებთ ქალაქებს სიცოცხლის გარეშე. ნახევარ ქალაქში არავინ დაბრუნდება და თუ ეს დიდ ქალაქებს დაემართება, მაშინ ეს იქნება ბერლინი.
გულწრფელად ვუთხარი პრეზიდენტ ტრამპს: „გვინდა ბერლინი?“ „გვინდა ბევრი ასეთი ქალაქი?“ ვფიქრობ, ერთმანეთს გავუგეთ, რომ ეს ვარიანტი არ არის. ბერლინის კედელი არ არის ვარიანტი, ამიტომ ჩვენ შევეცდებით ამ საკითხის მართვას.
უკრაინასა და რუსეთს შორის საბრძოლო მოქმედებების შეწყვეტის მიზნით, აშშ-ის პრეზიდენტმა დონალდ ტრამპმა 18 და 19 მარტს სატელეფონო საუბრები გამართა რუსეთის პრეზიდენტ ვლადიმირ პუტინთან და უკრაინის პრეზიდენტ ვოლოდიმირ ზელენსკისთან.
მსგავსი სტატიები:
“ის სულ ლეგენდა იქნება თქვენ კი არასდროს”-მიმართვა საზმაუს დირექტორს
“ხვალ ჩემი დაბადების დღეა, დღეს მნიშვნელოვან საჩუქრად, ჩემი ზღაპრების ახალი წიგნი გამოვიდა”
ხვალიდან ღია სივრცეში, სადაც 5-ზე მეტი ადამიანი იქნება, პირბადის ტარება სავალდებულო ხდება
მიხეილ სააკაშვილის გატაცება გორის ჰოსპიტლიდან – გამოხმაურებები უცხოურ მედიაში
გადადებული სხდომა და უგულებელყოფილი შუამდგომლობები…მომდევნო პროცესი 11 მაისს, 12:00 საათზე ჩაინიშნა
სააკაშვილი სხვა ადამიანებმა პირადი ინტერესებისთვის გამოიყენეს – ლიზა იასკო
“მედიასაშუალების დამფუძნებელზე თავდასხმა აშკარა მცდელობაა, ჩაახშოს მედიის თავისუფლება” – მედიის ადვოკატირების კოალიცია
23- 24 სექტემბერს წინასაარჩევნო ვითარების შესაფასებლად საქართველოს PACE-ის დელეგაცია ეწვევა