ძალიან ვუფრთხილდები იმ პატივისცემასა და სიყვარულს, რომელიც ჩვენს თანამოქალაქეებს ჩემ მიმართ აქვთ – კალაძე

ძალიან ვუფრთხილდები იმ პატივისცემასა და სიყვარულს, რომელიც ჩვენს თანამოქალაქეებს ჩემ მიმართ აქვთ – ამის შესახებ  კახა კალაძემ განაცხადა.

თბილისის მერი ირწმუნება, რომ ყოველდღიურ რეჟიმში ათასობით მოქალაქეს ხვდება, რომელთაგანაც მხარდაჭერასა და პატივისცემას გრძნობს.

„წინასაარჩევნო კამპანია ჩვეულ რეჟიმში მიმდინარეობს. ყოველდღიურად ვხვდებით მოსახლეობას და ხედავთ, როგორია იმ რიგითი მოქალაქეების განწყობა, ვისაც მშვიდობის შენარჩუნება უნდა, ვისაც ქალაქის განვითარება უხარია, ვისაც უხარია ქვეყნის აღმშენებლობა. როგორ არ უნდა გინდოდეს და გიხაროდეს, რომ შენს ქვეყანაში მშვიდობა იყოს?! მადლობელი ვარ თითოეული თბილისელის. ყოველდღე ათასობით ადამიანს ვხვდები და შემთხვევითი არ არის, თუნდაც ის მხარდაჭერა, რომელიც პარტია „ქართულ ოცნებას“ აქვს და ასევე, რომელიც ჩემი მისამართით არის. ძალიან მახარებს ეს დამოკიდებულება, ეს პატივისცემა და სიყვარული, რომელიც აქვთ ამ ადამიანებს. ამას ძალიან ვუფრთხილდები და ვაფასებ, რადგან ჩემი თანამოქალაქეების წინაშე უდიდესი პასუხისმგებლობა მაქვს აღებული. შესაბამისად, ძალიან საინტერესო და ქალაქზე ორიენტირებული პროექტები გვაქვს, რომლებსაც მომდევნო ოთხ წელში განვახორციელებთ.

ჩვენ წინასაარჩევნო კამპანიის ფარგლებში, მოქალაქეებს ვესაუბრებით არსებულ გამოწვევებსა და პრობლემებზე, მათი მოგვარების გზებზე. ოპოზიციის წარმომადგენლები კი კეტავენ ქუჩებს, აგინებენ და ლანძღავენ ყველას, ვინც მათ გვერდით არ დგას“, – აღნიშნა კახა კალაძემ.

გააზიარეთ და მოიწონეთ სტატია:

მსგავსი სტატიები:

ბავშვების 69%-ის მიმართ დასჯის ძალადობრივ მეთოდებს იყენებენ ლანჩხუთის ბავშვთა დღის ცენტრ “იავნანა”-ში, საჭადრაკო გაკვეთილების ჩატარება დაიწყო ბიძინა ფეხებზე მკიდია… ჩემი ყურის ამწევი არ დაბადებულა – დუმბაძე ნიშნიანიძეს დაუპირისპირდა გორის ბიუჯეტიდან გამქრალი ნახევარი მილიონი – სუს-ში გამოკითხვები დაიწყო ბათუმში ხელოვნური კუნძულის მშენებლობა დაიწყო სანქციები სააკაშვილის გამო – პოლონური მედიის სტატია საქართველოს მესამე პრეზიდენტზე “პუტინზე თავდასხმის მცდელობები იყო, თუმცა წარუმატებელი” = ბუდანოვი “დავდგეთ მედიის გვერდით, სანამ გვიან არ არის” – 19 ივნისს, მედიის მხარდამჭერი აქცია დაანონსდა