“ივანიშვილის “ოცნება”, “საკუთარ ფეხებში ისვრის“

ცხვირი გავს? გავს. თვალიც გავს, ბატონო? გავს. ტუჩ-ნიკაპი? – გავს.. ერთადერთი ნიშანიღა გვაკლია..

ოპოზიციის ლიდერი ციხეში, ერთპარტიული პარლამენტი, სასამართლო და პროკურატურა სრულად ხელისუფლების კონტროლის ქვეშ – სამწუხარო სურათი, რომელიც საქართველოს დღევანდელ რეალობას გამოხატავს და რის გამოც დასავლეთიდან უპრეცედენტო რაოდენობისა და სიმკაცრის შეფასებებს ვიღებთ. სურათი თითქოს იგივეა, რაც რუსეთში, ბელორუსში თუ თურქმენეთში,  სადაც პუტინის, ლუკაშენკოს, თუ ბერდიმუხამედოვის ავტორიტარული რეჟიმების ტოტალური კონტროლი, ანუ დიქტატურაა.

მთავარი კომპონენტი, რაც ჩვენ დღეს ამ ქვეყნებისგან ფუნდამენტურად განგვასხვავებს და რეალური დიქტატურისგან გვაშორებს, კრიტიკული მედიაა. ანუ ის ტელევიზიები, ელეტქრონული თუ ბეჭვდითი გამოცემები, რომლებიც ხელისუფლების კონტროლს არ ექვემდებარებიან და თავისუფალ ინტერნეტთან და სოციალურ ქსელებთან ერთად ქმნიან საინფორმაციო სივრცეს, რომლის საშუალებითაც, ერთი მხრივ, მოსახლეობა ხელისუფლებისადმი არასასიამოვნო ინფორმაციას და კრიტიკულ მოსაზრებებს იღებს, მეორე მხრივ კი, ოპოზიცია და სამოქალაქო სექტორი სიცოცხლეს ინარჩუნებს.

საქართველო დღეს მართლაც გზაგასაყარზეა: თუ საზოგადოება დათმობს, დასავლეთი სიტყვიდან საქმეზე გადასვლას ვერ მოახერხებს, ხელისუფლება მელიას დაჭერას მოინელებს, საპროტესტო მუხტს ჩაახშობს და ოპოზიციას გაანადგურებს – შემდეგი გაჩერება აუცილებლად თავისუფალი მედია იქნება. აი შემდეგ კი მართლა დაისადგურებს დიქტატურა, ივანიშვილის დიქტატურა, რომელიც პუტინივით თუ ლუკაშენკოსავით დიდი ხნით გააკონტროლებს ყველას და ყველაფერს და ბოლოს ან კიმ ჩენ ინივით  ვაჟს დაგვიტოვებს მმართველად, ან ჩაუშესკოს ბედს გაიზიარებს.

მანამდე კი ეს ყველაფრი ჩვენს მხრებზე გადაივლის: საქართველოს ნავთობდოლარები არასდროს ექნება. ამიტომ  დღეს თუ 1 000 ლარი გვაქვს შემოსავალი, ხვალ 500 გვექნება, ზეგ 200. აი, მაზეგ უკვე აღარაფერი. დოლარი 3 ლარიდან ხუთი, ხუთიდან ათი გახდება, ბოლოს კი სულ გაკუპონდება. პოლიცია მილიციად გადაიქცევა, კორუფცია კვლავ გაიფურჩქნება, კანონიერი ქურდები ძალაუფლების სრულფასოვანი თანამფლობელები გახდებიან, ბნელი 90-იანები უკან დაბრუნდება და ეს გაგრძელდება მანამ, სანამ ბოლომდე არ გავღატაკდებით.  ივანიშვილს საკუთარი ოჯახისა და გარემოცვის შესანახად ფული დიდხანს ექნება, თქვენთვის კი აღარ.

დრო ჯერ კიდევ გვაქვს. ივანიშვილის ოცნება ჯერ მელიაზე ნადირობს, მაგრამ ,,საკუთარ ფეხებში ისვრის.“ ამიტომ, სანამ დასავლელი მეგობრები შეგვრჩენია, სანამ თავისუფლად შეგვიძლია აზრი გამოვთქვათ, სანამ ოპოზიცია ერთიანია და სამოქალაქო საზოგადოება მყარად დგას, დროა ვიმოქმედოთ, ერთად შევაჩეროთ დიქტატურა, რომლის კონტურების დანახვასაც გამადიდებელი შუშა აღარ ჭირდება.

გააზიარეთ და მოიწონეთ სტატია:

მსგავსი სტატიები

  • 98
    "იარეთ ახლა ოპოზიციამ ეთერ-ეთერ "...იარეთ ეხლა ოპოზიციამ ეთერ-ეთერ და იძახეთ, რიგგარეშე არჩევნებიო, პოლიტპატიმრების განთავისუფლებაო და ა.შ. ჯერ პირველ რიგში, დაჯექით მაგიდასთან და ერთმანეთთან ჩააწიკწიკეთ რა გინდათ, როგორ გინდა, რისთვის გინდათ, როდის გინდათ,ბ რამდენი გინდათ, რატომ გინდათ და ა.შ. მერე ჩვენს ევროპელ და ამერიკელ მეგობრებს, შეგნებულ, გააზრებულ, ადექვატურ, ადამიანურ, სამართლიან და გასაგებ ენაზე გააგებინეთ, რაც…
    Tags: და, მთავარი, თემა, ახალი, ამბები, პოლიტიკა
  • 98
    რა დასკვნა დაიდო ადამიანების უფლებების დარღვევაზე- HRC 2020 წლის ანგარიშიადამიანის უფლებათა ცენტრმა 2020 წლის ანგარიში გამოაქვეყნა, სადაც ასახა ის მნიშვნელოვანი სამართლებრივი და პოლიტიკური საკითხები, რომლებმაც ქვეყანაში ადამიანის უფლებათა დაცვის სტანდარტზე გავლენა იქონიეს. აქ შეჯამებულია, რა მდგომარეობა იყო საქართველოში ადამიანის უფლებების მხრივ 2020 წელს და შეფასებულია სახელმწიფოს სხვადასხვა უწყების ქმედება ადამიანის უფლებათა დაცვის ჭრილში. დოკუმენტის თანახმად, ანგარიშში მოვლენათა და საკითხთა უმრავლესობა პანდემიისა…
    Tags: და, მთავარი, თემა, ახალი, ამბები, პოლიტიკა
  • 98
    "სტრასბურგში საჩივარი შევიტანეთ 2009 წელს "- ადამიანები ვინც ამ გადაწყვეტილების მისაღებად იბრძოლაიუსტიციის მინისტრის ყოფილი პირველი მოადგილე, თინა ბურჯალიანი, სოციალურ ქსელში, რამდენიმე დღის წინ, წერდა: “21 იანვარს, თითქმის 13 წლიანი პროცესის შემდეგ, ევროსასამართლო გამოაცხადებს გადაწყვეტილებას 2008 წლის ომის საქმეზე (საქართველო რუსეთის წინააღმდეგ II). ეს საქმე 2008 წლის 11 აგვისტოს დავიწყეთ რუსეთისათვის დროებითი ზომების დაკისრების მოთხოვნით. სრული საჩივარი შევიტანეთ 2009 წლის 6 თებერვალს.…
    Tags: და, მთავარი, თემა, ახალი, ამბები, პოლიტიკა
  • 98
    "ფუი, ამ ბალასტს შესწირეს თავი ტატუნაშვილებმა, ანწუხელიძეებმა და მისთანებმა"...სოპრანო თამარ ივერი სოციალურ ქსელში რიონის ხეობის მცველთა თბილისური აქციის შესახებ წერს და აღნიშნავს, რომ მისთვის მიუღებელია ის მიდგომა, რაც „ქალაქის ელიტამ“ გამოიჩინა ნამოხვანჰესის მოწინააღმდეგეების მიმართ: „კაქი ლაა… შეწუხდა ქალაქის „ელიტა“ ორი დღე „რიონელების” მიერ გადაკეტილი გზით. ვაიმე, როგორ გაბედეს და “ძისკომфორტი” შეუქმნეს ვიღაც ჩამოსულებმა ქალაქში მათ უფრო მნიშვნელოვან თემებზე…
    Tags: და, მთავარი, თემა, ახალი, ამბები, პოლიტიკა