დევნილთა, ეკომიგრანტთა და საარსებო წყაროებით უზრუნველყოფის სააგენტომ დაბრუნებულ მიგრანტთა სარეინტეგრაციო დახმარების სახელმწიფო პროგრამის ფარგლებში განაცხადების მიღება დაიწყო.
დევნილთა, ეკომიგრანტთა და საარსებო წყაროებით უზრუნველყოფის სააგენტოს ცნობით, პროგრამის მიზანს ემიგრაციიდან დაბრუნებული საქართველოს მოქალაქეების რეინტეგრაციის პროცესის მხარდაჭერა წარმოადგენს.
მათი ინფორმაციით, შემოსავლის წყაროს გაჩენის, დასაქმებისა და თვითდასაქმების მიზნით, ჯამში, 200-მდე დაბრუნებული მიგრანტი დაფინანსდება.
როგორც სააგენტოში აღნიშნავენ, პროგრამის ფარგლებში განაცხადების მიღება 4 აპრილის ჩათვლით გაგრძელდება.
“სამშობლოში დაბრუნებულ მიგრანტებს შემოსავლის წყაროს გაჩენისა და თვითდასაქმების ხელშეწყობის მიზნით, გრანტები გადაეცემათ. დაფინანსების მიღება შესაძლებელია როგორც საქმიანობის დაწყების, ისე გაფართოების შემთხვევაში და მისი ოდენობა 4000 ლარს შეადგენს.
ჩვენთვის მნიშვნელოვანია, რომ დავეხმაროთ და მხარი დავუჭიროთ ემიგრაციიდან დაბრუნებულ ჩვენი ქვეყნის მოქალაქეებს. ამ ეტაპზე, რეინტეგრაციის პროგრამის ფარგლებში, განაცხადების მიღება მიმდინარეობს და ჯამში, 200 მიგრანტი დაფინანსდება“, – განაცხადა სააგენტოს დირექტორმა, ბესარიონ სიმონიშვილმა.
მსგავსი სტატიები:
გორში რძალმა სასამართლოს ძალით მულს მასთან მიახლოება აუკრძალა
12 წლის გარდაცვლილი ბავშვის ოჯახის წევრები: „ესაჭიროებოდა ჟანგბადი და დროულად არ მოხდა მიწოდება“
დღეს გურიის რეგიონში კორონავირუსის 52 შემთხვევა დადასტურდა
რომელი ქვეყნები შეძლებენ საქართველოს საჰაერო საზღვარზე შემოსვლას PCR-ტესტის უარყოფითი პასუხის საფუძველზე
მუსლიმანური სამყარო დღეს რამაზან ბაირამის დღესასწაულს აღნიშნავს
მახარაძის “მერცხალის” ორი ლეგენდა ფეხბურთელი
„ფილიპ მორისის“ დირექტორი სიგარეტის აკრძალვის ინიციატივით გამოვიდა
გურული: აშშ-ში 8 კვირა ეძლევა სამედიცინო პერსონალს, რომ აიცრან – აუცრელებს დაითხოვენ