„რუსეთმა დუგინის თეოდემოკრატიული იდეებით დისტანციურ დასხივებას ცოცხალი პარტიის დაფუძნება ამჯობინა,“ – ამის შესახებ „ნაციონალური მოძრაობის“ პლიტსაბჭოს წევრმა, რომან გოცირიძემ CNews-ს ლევან ვასაძის პოლიტიკაში შემოსვლის კომენტირებისას განუცხადა.
მისივე თქმით, ვასაძის პოლიტიკაში შემოყვანა რელიგიურ-ნაციონალუსტური ძალის რებრენდინგის მცდელობაა.
„რელიგიურ-ნაციონალუსტური, ანტილიბერალური და ანტიდასავლური მიმართულების ძალის განახლების, როგორც იტყვიან, რებრენდინგის მცდელობაა. მარშისა და მილევადი „პატრიოტთა ალიანსის“ დაცემული დროშა ხომ ვიღაცამ უნდა აიტაცოს. ეს ივანიშვილის გადარჩენის მცდელობაცაა ახალი ტიპის კოალიციის შეკიწიწების სახით: „ოცნება“, გახარია, ვასაძე – ახალი პოლიტიკური სამება, რომლებიც ერთმანეთის რბილ კრიტიკაში იქნებიან და ბოლოს, ივანიშვილი თბილი კალთის ქვეშ მოყუჩდებიან. გუშინდელი დღე მომავლის საქართველოში. პოლიტიკური პერსპექტივა ნული, რეიტინგი – მხეცის ნიშანი, 0,666 პროცენტი,“ – აცხადებს გოცირიძე.
ამასთან, გოცირიძე ამბობს, რომ ვასაძემ პირველი აქტივობა უკვე დაანონსა.
„პირველი დიდი აქტივობაც დაანონსეს – „ტაბურეტკიანთა“ მარშის გაცოცხლება 17 მაისს და მერე ნამახვანში ჩავა,“ – აცხადებს გოცირიძე.
შეგახსენებთ: დღეს, 6 მაისს, ცნობილი გახდა, რომ ლევან ვასაძე პოლიტიკაში მოდის და პარტიას აფუძნებს, რომელსაც „ერი“ ერქმევა.
მსგავსი სტატიები:
“მე ყოველთვის ვხელმძღვანელობდი სამართლიანობის, კეთილსინდისიერების პრინციპებით”… ანა მიქელაძემ ცესკო დატოვა
რა შემთხვევაში იქნება “ოცნება” იძულებული დანიშნოს ხელახალი არჩევნები?
ჯაფარიძე: “ოცნების წევრები საჯაროდ დაემშვიდობნენ დანიელსონს, მან მოლაპარაკება გააგრძელა”
“ჩვენ გვაქვს საქმე ნამდვილ ურჩხულთან! ისე არავის არ ეზიზღება ქართველი ხალხი,როგორც ივანიშვილს”
“რომელმა პარტიამაც არ უნდა დაგვიჭიროს მხარი, არ ვთანამშრომლობთ პარტიულ დღის წესრიგთან”
“დღეს ჩვენ გვყავს აპოლიტიკური და მოქალაქეთა ინტერესებზე ორიენტირებული პოლიცია”
“ერთადერთი პოლიტიკური ძალა, ვისაც შანსი აქვს, არჩევნებში დამაჯერებლად გაიმარჯვოს, „ქართული ოცნებაა“”
სისტემა ისე გამოლპა, 2024 წლამდე როგორ მივა “ქართული ოცნება” კი არა, ამ ზამთარს როგორ გადააგორებენ ჯერ ეს არის საკითხავი