უმსხვილესი დონორი ორგანიზაციის შეფასებით, წელს საქართველოს ეკონომიკა შემცირდება და სიღარიბის ზღვარს ქვემოთ აღმოჩნდება ასობით ათასი მოქალაქე. ნახევარ მილიონი ადამიანი დაკარგავს შემოსავალს.
საქართველოს მთავრობა ფიქრობს, რომ 2021 წელს ქვეყანა 5%-იან ეკონომიკურ ზრდას მიაღწევს. მსოფლიო ბანკის მოლოდინით, ეკონომიკური ზრდა 4%-ს, ვროპის რეკონსტრუქციისა და განვითარების ბანკის (EBRD) მოლოდინით კი – 3,5%-ს ვერ ასცდება.
მსოფლიო ბანკი 2020 წელსაც აჯამებს და აღნიშნავს, რომ საქართველოს მთავრობის მიერ დაწესებული მძიმე შეზღუდვების გამო, 160 000-მდე ადამიანი სიღარიბის ზღვარს ქვემოთ აღმოჩნდება, 400 000 ადამიანი კი – მნიშვნელოვნად დაკარგავს შემოსავალს
2021 წლის ბიუჯეტში საქართველოს მთავრობას ეკონომიკის 5%-იანი ზრდა აქვს დაანონსებული. ფინანსთა მინისტრის მოადგილე იმდენად ოპტიმისტურადაა განწყობილი, რომ არ გამორიცხავს ქვეყანამ კიდევ უფრო მეტ ეკონომიკურ ზრდას მიაღწიოს:
ყოველთვიურად უფრო ნაკლებია შემცირების მაჩვენებელი, ვიდრე ეს იყო წინა თვეებში. წლევანდელი შემცირება – 4,9% – აბსოლუტურად რეალისტურია. რაც შეეხება მომდევნო წელს, დღეს რა პროგნოზებიც არსებობს, 5% აბსოლუტურად რეალისტურია. ეს დამოკიდებულია იმ მაჩვენებლებზე, რომლებიც გვაქვს ჩვენს სავაჭრო პარტნიორებთან. ექსპორტის მაჩვენებელზე ველოდებით მინიმუმ 5-6%-იან ზრდას, იმპორტის მაჩვენებელი მნიშვნელოვნად არ იქნება გაზრდილი, ინვესტიციები როგორც სახელმწიფო ნაწილში, ისე კერძო ნაწილშიიქნება გაზრდილი და ეს ყველაფერი, მაკროეკონომიკური მოდელით თუ დავთვლით, გამოიყვანს 5%-იან ზრდას – ამბობს გიორგი კაკაურიძე.
ოპოზიციის წევრებისთვის კი საქართველოს მთავრობის ოპტიმიზმი გაუგებარია და ისინი 5%-იან ზრდასაც არ ელოდებიან:
საქართველოს მთავრობა რატომღაც ვარაუდობს 5%-იან ზრდას, რომელიც არანაირ ეკონომიკურ საფუძველზე არ არის დამყარებული. რა თქმა უნდა, ახლა უნდათ შეალამაზონ, ბიუჯეტს ჩაუტარონ კოსმეტიკური რემონტი და წარმოაჩინონ არჩევნების წინ, რომ, თითქოს, ყველაფერი კარგად არის ქვეყანაში, – ამბობს “ერთიანი ნაციონალური მოძრაობის” აღმასრულებელი მდივანი, კობა ნაყოფია.
შეგახსენებთ, რომ IPSOS-ის კვლევის მიხედვით, რომელიც “მთავარი არხის” დაკვეთით ჩატარდა, გამოკითხულთა 75%-ის აზრით, მოქმედი ხელისუფლების პირობებში, საქართველოში ეკონომიკური მდგომარეობა გაუარესდა.
მსგავსი სტატიები:
ციკოლია: ღარიბი ქვეყანა იმიტომ ვართ, რომ ღარიბი აზროვნება გვაქვს
საქართველო მოსახლეობის 20%-ისთვის მიიღებს კორონავირუსის ვაქცინას – გამყრელიძე
შალვა ნათელაშვილი ევროკავშირის ლიდერებს ივანიშვილისთვის სანქციების დაწესებისკენ მოუწოდებს
“მე დიდი ხანია უკვე ამოვყავი თავი საცივიდან“-ბურჯანაძე
იაპონიის საელჩომ გურიას რეანომობილი აჩუქა
“გურია ქვეყნის ერთ-ერთი ყველაზე გაჭირვებული მხარეა- ვაგროვებთ ტანსაცმელს და ყველაფერს რაც გამოადგებათ”
ავტომობილები, ხორცი, სიმინდი, ტანსაცმელი – ტოპ-10 პროდუქტი, რასაც ვყიდით და ვყიდულობთ აფრიკაში
“რაის ჰომოფობია ხალხო, სახელმწიფოს ჩაბარება ხდება ჩვენს თვალწინ”