ჩვენ ვუყურებთ ივანიშვილის დადგმულ ცირკს, რომლის დასასრულიც, როგორც ჩანს ამ კვირაში გვექნება-ხიდაშელი

თავდაცვის ყოფილმა მინისტრმა, თინა ხიდაშელმა ტელეკომპანია პირველის ეთერში საუბრისას აღნიშნა, რომ მამუკა ხაზარაძის, ბადრი ჯაფარიძისა და ავთანდილ წერეთლის წინაღმდეგ ე.წ. ფულის გათეთრების ბრალდებით მიმდინარე სასამართლო პროცესი არის ცირკი, რომელიც ბიძინა ივანიშვილმა დადგა.

თინა ხიდაშელის თქმით, იმის ნაცვლად, რომ დღის წესრიგში საქართველოს ეროვნული ინტერესების საკითხები იდგეს, საზოგადოების ყურადღება მსგავსი თემებისკენ არის მიპყრობილი.

“ამ წუთის მდგომარეობით, საერთაშორისო პოლიტიკური გადაწყვეტილებების ცენტრში ვართ, აშშ-სა და რუსეთს შორის მიმდინარე დისკუსია სწორედ საქართველოს და უკრაინას ეხება; რუსეთმა პირველად ამ წლების განმავლობაში სრულიად ღიად, ინტერპრეტაციის დატოვების გარეშე განაცხადა საკუთარი პრეტენზია დედამიწის ამ გეოგრაფიაზე და ამ ვითარებაში, როდესაც ნებისმიერ ნორმალურ ქვეყანაში ყველაფერს გააკეთებდნენ ხელისუფლება და პოლიტიკური ძალები, რომ ყველა ჩაბმულიყო ქვეყნის უსაფრთხოების პროცესში, ჩვენ ვუყურებთ ამ ცირკს, რომელიც ივანიშვილმა დადგა სამი წლის წინ და რომლის დასასრულიც, როგორც ჩანს ამ კვირაში გვექნება”, – განაცხადა თინა ხიდაშელმა.

შეგახსენებთ, სასამართლო გადაწყვეტილება ე.წ. ფულის გათეთრების საქმეზე ხვალ გახდება ცნობილი.

გააზიარეთ და მოიწონეთ სტატია:

მსგავსი სტატიები:

„გარდატეხა ერთად მდგომი ხალხის ხმის ძალას მოაქვს“-ნიკა მელია “ერთადერთი კითხვა მაქვს ბიძინა ივანიშვილთან” – მირცხულავა “რა უბედურებაა, რატომ უნდა გავეგოთ ყველას მარტის კატებივით”? -ქეთათო პოზნერის საქართველოდან გაძევებაზე “ისეთ ქვეყანაში მინდა ცხოვრება, სადაც არ ექნება მნიშვნელობა, მიხეილ სააკაშვილი ჩამოვა თუ არა “ თბილისში ნიკა მელიას ბანერის დაწვა სცადეს აი, ამ დასავლეთს ყოველ დღე „ოცნება“ ეუბნება უარს – ხან მედიაციაზე ხელის აკვრით, ხან შეთანხმების ცალმხრივად ანულირებით, ხან ევროპარლამენტარებისთვის ხელის აქნევით თუ თითის დაქნევით „თუ მთავრობაში გიმუშავიათ ბოლო 9 წლის მანძილზე, ჩემს თვალში ვერასდროს რეაბილიტირდებით” – ფადი ასლი “ვიწყებთ მასობრივ საპროტესტო შიმშილობის აქციას, ვიდრე მიხეილ სააკაშვილი არ გათავისუფლდება” – ნიკა მელია