ყველაფერს შეეგუება „ქართული ოცნება“, შეიძლება ყველაფერი გაწიროს, მაგრამ ამ სასამართლოს ხელს არ გაუშვებს – ეკა ბესელია

”როგორ შეიძლება გუშინ, სააკაშვილის ხელისუფლების დროს, პოლიტიკური დავალების შემსრულებელი ადამიანი, დღეს „ქართული ოცნების” ხელისუფლების პირობებში, აირჩიო უვადო მოსამართლედ და ის კარგი გახდეს? – „ოცნებამ” შეიძლება ყველაფერი გაწიროს, ამ სასამართლოს ხელს არ გაუშვებს” – ამის შესახებ პარტია „სამართლიანობისთვის” ლიდერმა, ეკა ბესელიამ „პალიტრანიუსის” გადაცემაში „360 გრადუსი” განაცხადა.

მისი თქმით, ცალკე აღებული ერთი მოსამართლით, შეიძლება შეაფასო მთლიანად სასამართლო სისტემა.

ბესელიას განცხადებითვე, „ქართული ოცნება” ცდილობს დროის გაყვანას და თანამშრომლობის რაღაც იმიტაციის შექმნას.

„არავითარი კონკრეტული ადამიანების წინააღმდეგ არ არის მიმართული ეს პროცესი, უბრალოდ, ეს კონკრეტული ადამიანები, ანუ მოსამართლეები, ცალკე აღებული ერთი მოსამართლე, რომელსაც საქართველოს სახელით გამოაქვს ის ერთი განაჩენი, ძალიან მნიშვნელოვანია იმისთვის, რომ მთლიანად სისტემა შეაფასო, რადგან ამ ინდივიდებისგან შედგება მართლმსაჯულების სისტემაა.

კოლექტიური უსამართლობის განმასახიერებელი თუ არის ეს სისტემა და დღეს 300 მოსამართლიდან 80%-ზე მეტი უკვე დანიშნულია უვადოდ, ასევე მათი 80% წინა ხელისუფლების, იმ უსამართლო სისტემის განმახორციელებლები არიან. რეფორმა როგორ იქნება წარმატებული? – ჩვენი ამოცანა იყო, ნაბიჯ-ნაჯიბ შეგვეცვალა კანონები და ვცვლიდით, ამავე დროს უნდა შეგვეცვალა ადამიანებიც. როგორ შეიძლება გუშინ, პოლიტიკური დავალების შემსრულებელი ადამიანი, სააკაშვილის ხელისუფლების დროს, დღეს „ქართული ოცნების” ხელისუფლების პირობებში, აირჩიო უვადოდ და ის კარგი გახდეს?

ეს დროის გაყვანაა, რომ როგორმე გადააგოროს ყველა რთული ეტაპი „ოცნებამ” და ამით, რაღაც იმიტაცია შექმნას თანამშრომლობის, რაღაც ტიპის თანამშრომლობის პარლამენტში. ყველაფერს შეეგუება „ქართული ოცნება”, შეიძლება ყველაფერი გაწიროს, ამ სასამართლოს ხელს არ გაუშვებს, ვიდრე არიან”, – განაცხადა ეკა ბესელიამ.

გააზიარეთ და მოიწონეთ სტატია:

მსგავსი სტატიები:

“ხოდა, იარეთ, იარეთ”-რამ გააბრაზა ნიკა გვარამია? „საქართველოში კრიტიკული მედიის წარმომადგენლებისთვის მუშაობა საშიში ხდება“ ნათელაშვილი: ყველაზე დიდ გულისტკივილს ე.წ. ოპოზიციის ქცევა იწვევს მიხეილ სააკაშვილი გლდანის ციხიდან, სავარაუდოდ, უკვე გამოიყვანეს – ტერიტორია სასწრაფოების ესკორტმა დატოვა გაღარიბებული საქართველო – ქვეყანაში 300 000-მდე ადამიანი მუდმივად შიმშილობს ”ივანიშვილის ოცნებამ ყველაფერი 5-იანზე შეუსრულა მოსკოვს” – ეკა მიშველაძე უკრაინის დეკლარირებული მხარდაჭერა საქართველოს უფრო სჭირდება – ლაშა ბუღაძე ნატოსა და აშშ-ს პასუხები რუსეთს – El PAIS-მა ე.წ. უსაფრთხოების გარანტიებზე, დოკუმენტი გამოაქვეყნა