საქართველოში ევროკავშირის ელჩის, კარლ ჰარცელის განცხადებით, ბევრი მეგობარი ქვეყანა სვამს კითხვას, სად მიდის საქართველო და რა იქნება შემდეგი ნაბიჯი. ამ თემაზე კომენტარი მან 4 არასამთავრობოს მიერ ორგანიზებულ შეხვედრაზე გააკეთა.
სამოქალაქო სექტორი და პოლიტიკოსები შეხვედრაზე მსჯელობდნენ რამდენად შეასრულა ხელისუფლებამ 19 აპრილის შეთანხმებით ნაკისრი ვალდებულებები.
“დღეს ჩვენ შევიკრიბეთ იმისთვის, რომ განვიხილოთ 19 აპრილის შეთანხმება, თუ რა გაკეთდა ამ პერიოდის განმავლობაში, იმის მიუხედავად, რომ დიდი დრო გავიდა, ძალიან მნიშვნელოვანი და აქტუალური დისკუსიაა, საჭიროა განვიხილოთ ის ნაბიჯები, რომელიც უნდა გადაიდგას.
საქართველოს ბევრი მეგობარი ქვეყანა სვამს კითხვას, სად მიდის საქართველო და რა იქნება შემდეგი ნაბიჯი, 19 აპრილის დოკუმენტი არის გზამკვლევი ევროკავშირში ინტეგრაციის, ეს არ არის ერთადერთი გზა, არამედ ერთ-ერთი. ძალიან ლეგიტიმური კითხვა ისმის, თუ ეს გზა არა, მაშინ რომელი, იყო საკითხები, რომლებიც შესრულდა, რაც შეეხება შეუსრულებელ ნაწილს, მაგალითად მართლმსაჯულების რეფორმა, ასევე საკონსტიტუციო ცვლილებები, ძალიან მნიშვნელოვანია, რომ ეს ვალდებულებები შესრულდეს”, – თქვა კარლ ჰარცელმა.
ცნობისთვის, 19 აპრილს მმართველმა გუნდმა და ოპოზიციის ნაწილმა შარლ მიშელის დოკუმენტს მოაწერა ხელი, რომელიც არაერთ რეფორმას ითვალისწინებდა. 28 ივლისს “ქართულმა ოცნებამ” დოკუმენტი ანულირებულად გამოაცხადა.
მსგავსი სტატიები:
300-ლარიანი კომპენსაციას მიიღებენ ისინიც, ვისაც ხელფასი 5 დეკემბრამდე ერიცხებოდა და შეზღუდვების გამო შეუწყდა
“გისურვებთ, მალე დაბრუნდეთ” –ნანუკა სააკაშვილს დაბადების დღეს ულოცავს
“ნეტა ნათქვამისთვის აზრის დატანებას ვისწავლიდეთ ოდესმე”
გახარიას „ღალატი“ და „ხელისუფლების აყირავების“ გეგმა
“პაციენტების მკურნალობაზე უარს ვაცხადებ, თუ მიხეილ სააკაშვილს კლინიკაში არ გადაიყვანენ”- ექიმი ლევან გოგუაძე
“მშიშარა ხელისუფალზე საშიში არაფერია..კარგია რომ ღარიბაშვილს “წითელ ღილაკთან” წვდომა არ აქვს”
შსს-მ Facebook-რეკლამებში გაწეული ხარჯების 60% ლაშქარავას კადრების გავრცელებაში დახარჯა
საქართველო წაიშლება კულტურული რუკიდან… გამოსავალი ერთადერთია, ქოცები უნდა წავიდნენ – ბუღაძე