უკრაინაში, ხარკოვის ოლქში, რუსმა ოკუპანტებმა ოსკოლის ფსიქონერვოლოგიურ პანსიონს ცეცხლი გაუხსნეს. შემთხვევის დროს შენობაში 330 ადამიანი იმყოფებოდა. დაშავებულთა და გარდაცვლილთა შესახებ ინფორმაცია ამ დრომდე დგინდება და ჯერჯერობით უცნობია. ამის შესახებ ინფორმაცია ხარკოვის ოლქის რეგიონალური ადმინისტრაციის უფროსმა, ოლეგ სინეგუბოვმა გაავრცელა.
შენობაში მყოფი 330 ადამიანიდან 50-ს გადაადგილების სირთულის პრობლემა აქვს, 10 მათგანი კი ეტლით გადაადგილდება. შემთხვევის შემდეგ, 73 ადამიანის ევაკუაცია მეზობლად მდებარე პანსიონის შენობაში განხორციელდა.
რუსეთმა უკრაინაზე სრულმასშტაბიანი თავდასხმა 24 თებერვალს, გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. ქალაქების დაბომბვამდე სულ რაღაც 20 წუთით ადრე რუსეთის პრეზიდენტმა, ვლადიმირ პუტინმა უკრაინას ომი ვიდეომიმართვით ოფიციალურად გამოუცხადა.
პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ “უკრაინული აგრესიის” მოგერიებაში.
რუსეთის სამხედრო ძალები უკრაინას სხვადასხვა მიმართულებით უტევენ. პარალელურად, მსოფლიოს ქვეყნები რუსეთს სხვადასხვა სახის სანქციას უწესებენ.
მსგავსი სტატიები:
“ყველამ იცის, რომ ბიძინა ივანიშვილმა მთელი ქვეყანა ააშენა”-კიკნაძე
გერმანიში სეზონურ სამუშაოზე, საქართველოს 5 000 მოქალაქე დასაქმდება
წულუკიანი ჟურნალისტებს: თუ რამის თავი გაქვთ, გადააყენეთ მთავრობა, აგერ ვარ და გადამაყენეთ
მე-18 დაპირებაა, ყოველი არჩევნების წინ ხან ზღვით გადმოდის, ხან ჰაერით — ყაველაშვილი სააკაშვილზე
სად არის ამერიკულ-კორეული მოგზაურობიდან დაბრუნებული ივანიშვილი?
“ადამიანურად მირჩევნია, მე ვიყო ციხეში და მიშა მუშაობდეს ჩემ გამოყვანზე…დავტოვე ყოვლისშემძლეს შთაბეჭდილება და…ეს ვერ შევძელი”-მელია
“რა ქნა ქოცმა?…წელში გაწყვეტილი ემიგრანტების გამოგზავნილი ფული საარსებო კაპიკებად აქცია… კარგია გაქოცებული საქართველო…ძაა-ან!”-დარსმელიძე
ჩვენ გვაქვს კომუნიკაცია ხალხთან, კარგად ვიცით, რა პრობლემებია – თალაკვაძე