მარიუპოლიდან დევნილი 87 წლის ზინაიდა ბუკრეევა შაბათის ფორმულასთან საუბარში, მშობლიურ ქალაქში განვითარებულ მოვლენებს იხსენებს და ამბობს, რომ მსგავსი ვითარება ლენინგრადის ბლოკადის დროსაც არ ახსოვს.
მისი ხუთსულიანი ოჯახი დონეცკის გავლით, ლარსიდან საქართველოში შემოვიდა. მათი ამჟამინდელი თავშესაფარი თბილისია.
“როგორც ჰიტლერი ისე მოგვექცა… 24-ში დილის 04:00 საათზე დაიწყო დაბომბვები. ქალაქი განადგურებულია. ლენინგრადის ბლოკადაში მოვყევი, მაგრამ იქაც კი ასეთი რამ არ ყოფილა, რაც მარიუპოლში. ჩემი შვილიშვილი სროლების დროს წყლის მოსატანად იყო წასული, რადგან ქალაქში აღარაფერი არის, არც საკვები, არც წყალი…სარდაფში ვიმალებოდით 10 დღე. სიბნელეში სიცივეში…საკვებს ქუჩაში ამზადებდა სროლების დროს ჩემი შვილიშვილი. ვერ ვახერხებდით წასვლას, არსად არ გვიშვებდნენ. ადამიანებს არსად უშვებდნენ სამხედროები. ხალხი მშიერია. ქალაქი მკვდარია… ჩვენ კი გამოვაღწიეთ, მაგრამ დავკარგეთ ჩემი 56 წლის ქალიშვილი, რომელიც მარიუპოლში დარჩა. არ ვიცით ცოცხალია თუ არა. ცხედრები პირდაპირ ქუჩაში ყრია, გაიხრწნენ, რამდენიმე დღე ასე იყვნენ. შემდეგ მოვიდნენ სამხედროები და იქვე, სახლების გვერდით, ეზოებში დამარხეს”, – აღნიშნა ბეკრეევამ.
87 წლის ქალი ბოლო გაჩერებას პოლონეთში გეგმავს, სადაც შვილები და შვილიშვილები ელოდებიან. თუმცა, ომს გამოქცეული საჭირო დოკუმენტაციის გარეშეა, რის გამოც გამგზავრება ჭიანურდება. უკრაინის საელჩო ამ ეტაპზე საკუთარ მოქალაქეებს პასპორტების პრობლემის მოგვარებაში ვერ ეხმარება.
“ღამღამობით ვტირი. როდის წავალ აქედან, შეიძლება 1 თვეც მოგიწიოთ აქ დარჩენაო. როგორ ვიცხოვროთ, არაფერი გვაქვს – არც ფული და დღეში ერთხელ ვჭამთ”, – ამბობს ქალი.
მსგავსი სტატიები:
შუა საუკუნეებში რომ ვცხოვრობდეთ, მეფის გამრთობი იქნებოდა- ოქრუაშვილი ივანიშვილზე
ჰოჯესი: ბოლო 2 წლის განმავლობაში საქართველომ დასავლური ინტეგრაციიდან უკან დახევა დაიწყო
ხვალ ჯანდაცვის მინისტრი, გურიას ეწვევა
“კერატიშვილი – სამარცხვინო მოსამართლე!” – ვახო სანაია
“აბა ყველაფერი მზად არის გლდანის ციხეშიო? ახლა მიაქვთ კატე, რომლის დამონტაჟებას და გამართვას მინიმუმ 2 კვირა უნდა”
“უშუალოდ მიხეილ სააკაშვილის ხიბლი ის იყო, რომ…გადიოდა ხალხთან და მათ ესაუბრებოდა…უნდა ჩამოვცილდეთ ტელევიზორებს და გავიდეთ გარეთ”-მამულაშვილი”
“ლეხ კაჩინსკის მიერ თბილისში ნათქვამი სიტყვები მახსენდება… დღეს დადგა ის ხვალინდელი დღე” – ზელენსკის მიმართვა პოლონეთის სეიმის წევრებს
ფართის მესაკუთრე, სადაც ოზურგეთის ალტ-ინფოს ორგანიზაცია დაფუძნდა, ”სოკარის” თანამშრომელია