“იუსტიციის სამინისტრო ახდენს სტრასბურგის გადაწყვეტილების შეგნებულ გაყალბებას და მცდარი ინტერპრეტაციებით მანიპულირებას” – ასე ეხმაურება საქართველოს მესამე პრეზიდენტი მიხეილ სააკაშვილი იუსტიციის სამინისტროს მიერ გავრცელებულ ინფორმაციას, რომლის მიხედვითაც “სტრასბურგის სასამართლომ მიხეილ სააკაშვილის საჩივარი განსახილველ საქმეთა სიიდან ამორიცხა”.
ჩემი შიმშილობის პერიოდში, ვინაიდან იუსტიციის სამინისტრო უარს ამბობდა კლინიკაში გადაყვანაზე, მივმართე ადამიანის უფლებათა ევროპულ სასამართლოს და მოვითხოვე საჩივრის შეტანამდე დროებითი ღონისძიებით მთავრობის დავალდებულება, განეხორციელებინა აუცილებელი და კანონით დადგენილი ქმედებები.
სტრასბურგის სასამართლომ დააკმაყოფილა მოთხოვნა და შესაბამისი დავალება მისცა საქართველოს მთავრობას, რის შედეგადაც გადამიყვანეს გორის სამხედრო ჰოსპიტალში. ამის შემდეგ, 2021 წლის 07 დეკემბერს, წერილობით შევატყობინე სტრასბურგის სასამართლოს, რომ, რადგან ეროვნულ დონეზე სამართლებრივი საშუალებები ჯერ არ არის ამოწურული, ამ ეტაპზე არ წარვადგენ სარჩელს, თუმცა სამომავლოდ დავიტოვებ ამ უფლებას და გამოვიყენებ (იხილეთ ფოტო).
სწორედ ამ მიმართვის საფუძველზე, სტრასბურგის სასამართლომ დაასრულა წარმოება მოცემულ საქმეზე, რაზეც მეტყველებს საქმის შეწყვეტის სამართლებრივ საფუძვლად კონვენციის 37.1 მუხლის აღნიშვნა. მინდა განვაცხადო, რომ კატეგორიულად მიუღებელი და დაუშვებელია მცდარი საზოგადოებრივი აზრის შესაქმნელად სტრასბურგის სასამართლოს ინსტრუმენტალიზაცია.
იუსტიციის სამინისტროს მხრიდან უკვე მერამდენედ აქვს ადგილი სასამართლოს გადაწყვეტილების შეგნებულ გაყალბებას და ფაქტებით და შეგნებულად მცდარი ინტერპრეტაციებით მანიპულირებას, რითიც ახდენს ადამიანის უფლებათა ევროპული სასამართლოს დისკრედიტაციას ქართული საზოგადოების თვალში. ზემოაღნიშნული ფაქტის თაობაზე დაუყოვნებლივ ეცნობება ადამიანის უფლებათა ევროპულ სასამართლოს, – წერს მიხეილ სააკაშვილი.
მსგავსი სტატიები:
“სანამ ასი ათასი გადარეული არ გამოგივარდებათ, მანამდე არ უნდა შეიბერტყოთ ყური?”
“როცა ოცდაათი წელია ხარ პოლიტიკაში, კი უნდა მიხვდე, რომ არაფერი კარგი არ მოაქვს მსგავსი ქმედებების წახალისებას”
მელია სააკაშვილზე: შეიძლება გადარჩეს, მაგრამ დარჩეს ძალიან მძიმე ხეიბარი
„მე რომ ასეთ პაციენტს ვმართავდე, მრავალპროფილურ კლინიკაში გადავიყვანდი“ – დავით სერგეენკო სააკაშვილზე
“მე დავთანხმდი ჩემს მიერ აშენებულ გორის ჰოსპიტალში გავემგზავრო ჩემს მიერვე აშენებული ავტობანით” | მიხეილ სააკაშვილი
“თავისუფლება მიშას!” – ფოთში მოქალაქეები ღარიბაშვილს ტრანსპარანტებით დახვდნენ
პანკისის წარსულის ექო – გიორგი თარგამაძის ედიტორიალი
ანატოლი ჩუბაისმა პრეზიდენტის სპეციალური წარმომადგენლის პოსტი და რუსეთი დატოვა