“ბატონი კუბილიუსი და ქალბატონი, გვარი აღარ მახსოვს, უკვე ძალიან შორს მიდიან” – წულუკიანი ევროპარლამენტარებზე

კულტურის მინისტრი, თეა წულუკიანი ევროპარლამენტარ ანდრიუს კუბილიუსსა და რასა იუკნევიჩიენეს წერილს ხელისუფლებისადმი თავდასხმად აღიქვამს. მისი განცხადებით, ქართველებს უნდა ვკითხოთ, კარგია თუ არა, როდესაც კუბილიუსი გვასწავლის ჭკუას.

მინისტრის თქმით, ცდილობენ ყურადღება არ მიაქციონ კუბილიუსისნაირ, ქართველი ერის შეურაცხმყოფელ განცხადებებს. წულუკიანის კომენტარს “საზოგადოებრივი მაუწყებელი” ავრცელებს.

“ბატონი კუბილიუსი და ქალბატონი, გვარი აღარ მახსოვს, უკვე ძალიან შორს მიდიან და რეალურად, პირდაპირ ესხმიან თავს ხალხის მიერ არჩეულ ხელისუფლებას. ისინი ამ განცხადებით უკვე პირდაპირ და აგრესიულად ერევიან ჩვენი ქვეყნის შიდა საქმეებში და ბატონ კუბიულიუსს და მეორე ქალბატონს საერთოდ, როგორც ჩანს, არ აინტერესებთ, ვინ არის ქართველი ხალხი და რას ფიქრობს ქართველი ხალხი. ამიტომაც, მე ვფიქრობ, რომ ამ შემთხვევაში, ჩემი მოსაზრება კი არ არის საინტერესო, რამდენადაც ქართველების აზრი. აი, აქ ბრძანდებიან ქართველები და მათ ჰკითხეთ, რას ფიქრობენ – კარგია თუ არა, როდესაც კუბილიუსი გვასწავლის ჭკუას, ვინ ავირჩიოთ ხელისუფლებაში. მისთვის ამის უფლება არავის მიუცია. ჩვენი ხელისუფლება არის არჩევნების შედეგად არჩეული, მას ნდობა გამოუცხადა ამომრჩევლის უმრავლესობამ. შესაბამისად, დემოკრატიული არჩევნების შედეგადაა ხელისუფლების სათავეში მოსული პოლიტიკური ძალა. ნებისმიერი თავდასხმა დემოკრატიულად სათავეში მოსულ პოლიტიკურ ძალაზე არის თავდასხმა ხალხზე, თავდასხმა სახელმწიფოსა და ქვეყანაზე. შესაბამისად, არჩევანი, რომელიც არის ბატონი კუბილიუსის მიერ დაყენებული, არის იმ ქართველი ერის შეურაცხყოფა, რომელმაც თავის ევროპულ გზაზე ძალიან ბევრი სისხლი დაღვარა, ძალიან ბევრი მსხვერპლი გაიღო და რომელიც ძალიან დიდი მისთვის დამახასიათებელი მოთმინებით ელოდება ვერდიქტს. ვერდიქტი უნდა იყოს, ჩვენი აზრით, დიახ, ქართველი ერი იმსახურებს კანდიდატის სტატუსს. ჩვენ ველოდებით ევროკავშირის გადაწყვეტილებას დიდი მოთმინებით, რა იქნება ვერდიქტი. ამ მოლოდინში ვცდილობთ, ყურადღება არ მივაქციოთ კუბილიუსისნაირ, ქართველი ერის და ჩვენი სახელმწიფოს შეურაცხმყოფელ განცხადებებს”, – განაცხადა თეა წულუკიანმა.

გააზიარეთ და მოიწონეთ სტატია:

მსგავსი სტატიები:

“რუსეთი საქართველოს მტერია…გილოცავთ!- მამა პეტრე სტრასბურგის გადაწყვეტილებაზე კომენდანტის საათი 1-ელ მარტამდე იმოქმედებს “ის იყო ჩვენი ღმერთი, დავიღუპეთ და დავიქეცით” ღარიბაშვილის ინიციატივით, სოციალურად დაუცველ ბავშვთა დახმარება 50-დან 100 ლარამდე გაიზარდა რას “ჩივოდა თავრობა” 2013 წელს, როგორი უნდა ყოფილიყო გურია 2021 წლისათვის და “რას ჩივოდა” საქსტატი 2018 წელს „მიშას თავგანწირვის რეალური მომენტები აქვს, ეს მე ძაან მაშინებს, რომ შეიძლება მოკვდეს“ კრემლის პრესმდივანი ბაიდენის მხრიდან პუტინისთვის ყასბის წოდებას პირად შეურაცხყოფად აფასებს “ყველა უნდა გავერთიანდეთ…რათა შევაჩეროთ ერთი ადამიანი…რომელმაც დაიწყო ომი”- ზელენსკის მიმართვა