აჭარის მთავრობის თავმჯდომარე ევროპარლამენტის მიერ მიღებულ რეზოლუციას ეხმიანება და აცხადებს, რომ ეს არის სიყალბით და ორპირობით სავსე რეზოლუცია, სადაც შესაძლო სანქციებთან დაკავშირებით გარკვეული მანიპულაციებია.
თორნიკე რიჟვაძის თქმით, ბიძინა ივანიშვილი არის ერთ-ერთი ყველაზე გამორჩეული, გაბედული და პატრიოტი ქართველი, ვისაც ოდესმე შეხვედრია:
სანქციებით და ფინანსური ზეწოლით ჩვენ ვერავინ დაგვაშანტაჟებს. ყველა გაკეთებულ საქმეს რომ თავი დავანებოთ, ადამიანი, რომელმაც სამება აუშენა ქვეყანას და ასევე არანაკლებ მნიშვნელოვანი, სააკაშვილის ფაშისტური რეჟიმის დამარცხება მოახერხა, როგორც მინიმუმ, სტატუსის და თანამდებობის გარეშე, ყველა ქართველს, რიგით ქართველს კაცური ვალი გვაქვს, რომ ყველა ბრძოლაში არ დავიხიოთ უკან და ბოლომდე ვიბრძოლოთ, როგორც ჩვენი ქვეყნის ერთგულ ჯარისკაცებს ეკადრება”, – განაცხადა რიჟვაძემ.
შეგახსენებთ, 9 ივნისს, ევროპარლამენტმა კენჭი უყარა რეზოლუციას, საქართველოში მედიის თავისუფლების დარღვევებისა და ჟურნალისტების უსაფრთხოების გამოწვევების შესახებ.
ამასთან, არსებული ინფორმაციით, ევროპარლამენტარებმა დაამტკიცეს შესწორება რეზოლუციაში, სადაც ბიძინა ივანიშვილზეც არის საუბარი.