“გაწიე შენი აყროლებული მიკროფონი” – სამხარაძის ლექსიკა

დგას თუ არა “ქართული ოცნება” სალომე ზურაბიშვილის წინააღმდეგ ორკესტრირებული კამპანიის უკან და გაიცა თუ არა წყევლის დავალება რეგიონალური კოორდინატორის მხრიდან? – “ტვ პირველის” კითხვა დიმიტრი სამხარაძემ უპასუხოდ დატოვა.

დეპუტატი ჩვეული რიტორიკით გამოირჩეოდა. სამხარაძემ ჟურნალისტს  უთხრა,  რომ “ლაპარაკი ეზარება”.

”მეზარება, რატომ უნდა ვხარჯო შენთან საუბარში დრო? რატომ მაკარგინებ დროს, გაწიე შენი აყროლებული მიკროფონი”- მიმართა დეპუტატმა ჟურნალისტს. 

“ქართული ოცნების” პარტაქტივმა პრეზიდენტი დაწყევლა. ”შხამად გექცეს, რაც შენთვის ვიწვალეთ” – ასე მიმართავენ სალომე ზურაბიშვილს მმართველი პარტიის კორდინატორები და აგიტატორები.