ჩვენ არ დავკარგავთ დროს, რომ სექტემბერში გვქონდეს კონკრეტული წინადადებები, რომელსაც უფლებამოსილი სუბიექტები დააყენებენ სხვადასხვა ფორმატში, მათ შორის, იმ სამუშაო ფორმატში, რომელიც უმრავლესობას აქვს შექმნილი,- ამის შესახებ ოპოზიციის მიერ “ლელოდან” წარდგენილმა ცესკო- ს თავმჯდომარის მოადგილე გიორგი სიორიძემ პარლამენტში ოპოზიციისა და არასამთავრობო სექტორის შეხვედრის დასრულების შემდეგ, ჟურნალისტებთან განაცხადა.
მან იმედი გამოთქვა, რომ მათ წინადადებებზე მსჯელობა იქნება და კანონმდებლობაში აისახება.
„მთელი საქართველოსთვის ახლა ერთადერთი დღის წესრიგი არსებობს, ეს გახლავთ 12 რეკომენდაციის შესრულება, რომელზეც პასუხისმგებლობა ყველამ უნდა აიღოს. დრო გვაქვს საკმაოდ ცოტა, მიუხედავად იმისა, რომ განხილვამ 2023 წლამდე გადაიწია, თითოეულ დღეს აქვს მნიშვნელობა, ამიტომ ოპოზიციური პარტიების წარმომადგენლები შევხვდით არასამთავრობო სექტორის წარმომადგენლებს, შეიქმნა სამუშაო, ძალიან საქმიანი ფორმატი. ჩვენ არ დავკარგავთ დროს, რომ სექტემბერში გვქონდეს კონკრეტული წინადადებები, კონკრეტული მიმართულებები, რომელსაც შესაბამისი უფლებამოსილი სუბიექტები დააყენებენ ყველა ფორმატში, იქნება ეს სასესიო, საკომიტეტო თუ სხვა ფორმატში, მათ შორის, იმ ფორმატშიც, რაც სამუშაო ფორმატის სახით უმრავლესობას აქვს შემუშავებული,”- განაცხადა გიორგი სიორიძემ.
ოპოზიციამ ევროკავშირის 12-პუნქტიანი რეკომენდაციების შესრულების მიზნით, მის მიერ ინიცირებული პროცესი დაიწყო, რაც ალტერნატიული სამუშაო ჯგუფების ამოქმედებაში გამოიხატება. აღნიშნული ჯგუფები ალტერნატიულ საკანონმდებლო პაკეტებს მოამზადებს და ინიცირებისთვის პარლამენტს წარუდგენს. პირველი შეხვედრა საარჩევნო საკითხებზე არასამთავრობო სექტორის მონაწილეობით გაიმართა.
მსგავსი სტატიები:
“ეჭვი ნებისმიერ ვაქცინაზე შეიძლება არსებობდეს როგორც უსაფუძვლო, ასევე საფუძვლიანი”
“ბედის ირონიაა…სულხან-საბა საფლავში ტრიალებს”
“30-ში არ გააყალბებს ,,ოცნება” არჩევნებს? რას ვაკეთებთ ამისთვის?”-თაკო ჩარკვიანი
ნიკა მელიას პარლამენტის წევრის უფლებამოსილება შეუწყდა
პროდუქტზე ფასებმა კატასტროფული ტემპით მოიმატა
”ეს იყო ძალოვანი სტრუქტურების თავდასხმა, ისედაც მყიფე ინსტიტუციაზე” – ოთარ რევიშვილი დავით მჟავანაძის დაკავებაზე
დიპლომატიური კორპუსის ნაწილს, მიაჩნიათ, რომ ჩვენზე მეტად უყვართ ჩვენი ქვეყანა – ინჯია
შალვა პაპუაშვილი ბუჩაში არ მიდის და რადას სპიკერს საყვედურობს