“სიურეალიზმის” ერთ-ერთმა ბრწყინვალე წარმომადგენელმა და ექსცენტრულმა მხატვარმა სალვადორ დალიმ ერთხელ ასეთი რამ თქვა: “ერთადერთი, რაც გიჟისგან განმასხვავებს არის ის, რომ მე გიჟი არ ვარ”, ოდესმე თუ დაფიქრებულხართ, ისეთი გენიალური ადამიანები, როგორებიც იყვნენ მაგალითად, სალვადორ დალი, ედგარ ალან პო, ალბერტ აინშტაინი რატომ ითვლებოდნენ “ცოტა” უცნაურად. შეიძლება, რომ გენიოსები უფრო მეტად იტანჯებოდნენ ფსიქიკური აშლილობით ვიდრე ჩვეულებრივი ადამიანები? ან ნუთუ რიგით მოკვდავსაც ხელეწიფება დალის მსგავსი საოცარი ნამუშევრების შექმნა ან საუკუნის წინ, აინშტაინის მიერ აღმოჩენილი ბრწყინვალე თეორიის აღმოჩენა?
დღევანდელ სტატიაში წარმოგიდგენთ რამდენიმე თეორიას იმის შესახებ, თუ რატომ არიან ნიჭიერი ადამიანები სიგიჟისკენ მიდრეკილნი.
ჩეზარე ლომბროზოს თეორია
ცნობილმა იტალიელმა ექიმ – ფსიქიატრმა, რომელსაც ასევე დიდი წვლილი მიუძღვის კრიმინოლოგიაშიც, დაწერა წიგნი სახელწოდებით “გენიალურობა და სიგიჟე”. თავის ამ ნაშრომში ის აანალიზებს ნევროზის მქონე დიდებული ადამიანების ქცევებს. მისი თეორიის მიხედვით, ფსიქიკური აშლილობის მქონე ადამიანები საოცარი შესაძლებლობებით არიან დაჯილდოვებულნი.
მაღალი IQ
არსებობს კიდევ ერთი თეორია, რომელიც ჯონს ჰოპკინსის სამედიცინო უნივერსიტეტის ფსიქოლოგებმა წამოაყენეს. მათი აზრით, მაღალი ინტელექტის მქონე ადამიანებს უფრო დიდი შანსი აქვთ გაგიჟების, ვიდრე სხვებს. ამისთვის მათ ექსპერიმენტიც კი ჩაატარეს, რომელიც 10 წელი გრძელდებოდა და მასში 700 000, 16 წლის მოზარდი მონაწილეობდა. კვლევის შედეგებმა ბევრი გააოცა: ის, ვინც მაღალი ინტელექტით გამოირჩეოდა, მას ფსიქიკური დაავადება განუვითარდა.
ჩვენ, ყველა გენიოსები ვართ
მედიცინის დოქტორის სეგალინას მიერ 30-იან წლებში წამოყენებული ჰიპოთეზის მიხედვით, მხოლოდ სულიერად დაავადებულს აქვს პოტენციალი გენიოსად გახდომის, ხოლო თუ ადამიანი ჯანმრთელია, მაშინ გენიოსობა არ ვლინდება.
ბურდენკოს საავადმყოფოს ფსიქოდიაგნოსტიკის პროფესორმა ანატოლი კარტაშოვმა შემოგვთავაზა თეორია, რომლის მიხედვითაც დაზიანებული 11 ქრომოსომის მქონე ადამიანების სხეულს შეუძლია ინტენსიურად განავითაროს ინტელექტუალური შესაძლებლობები. მოკლედ, ყველა ამ ჰიპოთეზის მიხედვით, თუ ადამიანი ყველა ფსიქიკური დაავადებისგან განიკურნება, მაშინ მსოფლიოში გენიოსთა რაოდენობა მკვეთრად შემცირდება.
intermedia.ge
გააზიარეთ და მოიწონეთ სტატია:
მსგავსი სტატიები:
საქართველომ 1 მლნ მოსახლეზე ინფიცირების მაჩვენებლით ესპანეთსაც გადაუსწრო
თორნიკე რიჟვაძეს თბილისიდან “ჭუჭყის თავიდან ასაცილებლად” ტაშტი ჩამოუტანე
ევროკავშირის ფიასკო და ბრიტანელებზე „შურისძიება“,– ზურაბ გურული AstraZeneca-ს ირგვლივ არსებულ სკანდალზე
რა აქვთ წარმატებულ და წარუმატებელ ადამიანებს საერთო?
ივნისში საქართველოში რეკორდული – $202 მილიონის ფულადი გზავნილები გადმოირიცხა
„Facebook-ით ვუსამძიმრებ სანდრას, მის მამას, ედუარდს, ძმას, და ჩემს ნიკუშას და ედუჩას მაგდა ვან დერ პულის გარდაცვალებას“ – მიხეილ სააკაშვილი
პარლამენტთან მოქალაქეებმა ბუჩასა და სხვა ქალაქებში მოკლულების ხსოვნას პატივი მიაგეს
დამთავრდა – 20 ივნისიდან, ტრანსპორტში პირბადის ტარება სავალდებულო აღარ იქნება