bm.geმსოფლიოს უმსხვილესი ბანკის, JPMorgan Chase-ის გენერალური დირექტორის, ჯეიმი დაიმონის განცხადებით, მიმდინარე კრიზისის ფონზე, ევროკავშირის ეკონომიკა უკვე არის რეცესიულ მდგომარეობაში, დაახლოებით 6-9 თვეში კი აშშ-ის ეკონომიკაც იგივე ბედს გაიზიარებს.
„ომი, ენერგოკრიზისი, ინფლაცია და გამკაცრებული მონეტარული პოლიტიკა – ეს ის ძირითადი ფაქტორებია, რომელმაც ევროკავშირი რეცესიამდე უკვე მიიყვანა. მოსალოდნელია, რომ დაახლოებით ექვს ან ცხრა თვეში აშშ-ის ეკონომიკაც რეცესიაში აღმოჩნდება“, – განაცხადა დაიმონმა.
JPMorgan-ის CEO-ს შეფასებით, დასავლეთის უმთავრესი პრიორიტეტი ენერგოუსაფრთხოების უზრუნველყოფა უნდა იყოს და ამ მიმართულებით არა მხოლოდ სიმბოლური, არამედ რეალური ნაბიჯებიც უნდა გადაიდგას, რაც დასავლეთის მასშტაბით ნავთობისა და გაზის მოპოვების მნიშვნელოვნად გაზრდას გულისხმობს.
დაიმონი ფიქრობს, რომ OPEC-ზე დამოკიდებულებით აშშ საკუთარ ეროვნულ უსაფრთხოებას რისკავს, ევროკავშირი კი პირდაპირ რჩება რუსეთის მთავრობის კეთილგანწყობის იმედად, რადგან OPEC-ის პოლიტიკას სწორედ რუსეთი და საუდის არაბეთი წარმართავენ.
„ნავთობსა და გაზს საჭირო მოცულობით არ ვაწარმოებთ; ენერგოუსაფრთხოების უზრუნველყოფის მიზნით ქმედით ნაბიჯებს არ ვდგამთ – ეს კრიტიკული მნიშვნელობის პრობლემებია. აშშ-ს ნავთობის უდიდესი მარაგები აქვს, ამ ბუნებრივ რესურსს შესაბამისად უნდა ვიყენებდეთ, საუდის არაბეთის იმედად არ უნდა ვიყოთ“, – ამბობს მსოფლიოს უმსხვილესი ბანკის ხელმძღვანელი.
მსგავსი სტატიები:
„ეს უფრო გაქცევას ჰგავს, ვიდრე გამარჯვებულის პოზიციიდან გასვლას“-გია ხუხაშვილი
რატომ შეხვდნენ თალაკვაძეები გახარიას პარტიის კანდიდატს – “ოცნების” პირველი კომენტარი
თბილისში გამართულ აქციებზე დაკავებულთა ნაწილი ხაშურის წინასწარი დაკავების იზოლატორში გადაიყვანეს
რა შემთხვევაში შეწყვეტს მიხეილ სააკაშვილი შიმშილობას – მესამე პრეზიდენტის განცხადება
შარლ მიშელისა და ურსულა ფონ დერ ლაიენის წერილი მიხეილ სააკაშვილს
თითქმის ერთი კვირაა, როკის გვირაბი დაკეტილია – ფქვილის და საწვავის მარაგი იწურება
პარტნიორები ჯერ კიდევ მოკრძალებულად დგანან განზე და ეშინიათ გახდნენ გლობალური ლიდერები – პოდოლიაკი
გრიგოლ ვაშაძე: „სააკაშვილის პოლიტიკიდან წასვლა დიდ ისტორიის დასასრული იქნება“