ირაკლი ბერაია ამ გზაზე იდგა უკვე დიდი ხანია და ის უბრალოდ არავინ არ „წაატორმუზა“, როცა შეცდომებს უშვებდა, – ამის შესახებ “გირჩის” ლიდერმა, იაგო ხვიჩიამ „პალიტრანიუსის“ გადაცემა „რეზიუმეში“ განაცხადა, რითაც პარლამენტში მომხდარ დაპირისპირებას გამოეხმაურა, რა დროსაც უმრავლესობის დეპუტატმა, ირაკლი ბერაიამ დამოუკიდებელ დეპუტატ თეონა აქუბარდიას შეურაცხმყოფელი რეპლიკებით მიმართა.
იაგო ხვიჩიას თქმით, თუ „ქართულ ოცნებას“ უნდა, რომ ტრადიციების და ღირებულებების დამცველის ნარატივი შეინარჩუნოს, ირაკლი ბერაია თანამდებობიდან უნდა გადააყენონ.
„ჩემი აზრით ბერაია აქამდეც უკვე გადაყენებული უნდა იყოს იმიტომ, რომ „ქართულმა ოცნებამ“ მინიმუმ თავისი ნარატივი დაიცვას: ქართული ოჯახი, სიწმინდე, ქალი ქალია და კაცი კაცია, ტრადიციების პატივისცემა და ა.შ. ამ ნარატივში რომ დარჩეს ფიზიკურად, საშუალება რომ არ მიეცეს მის პოლიტიკურ ოპონენტებს, მათ შორის ჩვენც, იმის თქმის, რომ ასეთი ქცევა თურმე „მოსულა“ „ქართული ოცნების“ მენტალიტეტით. ბოდიშიც ისე მოიხადოს, რომ ბოდიში ვინც უნდა მიიღოს იმას აზრადაც არ მოსვლია ასეთი რამის მიღება და მერე რომ დაამადლი ბოდიში ხომ მოიხადა კაცმაო. ბოდიში მე სხვა რამის გამო ვიცი, რომ გაწუხებს, მიხვდი, რაც არასწორად გააკეთე და ცდილობ, რომ გაპატიოს იმან, ვის წინაშეც ჩაიდინე ეს არასწორი საქციელი და მართლა მოუბოდიშე. მას რომ ასეთი რამ გაეკეთებინა, საერთოდ არ მივიდოდა აქამდე ეს საქმე, ჩემი აზრით.
ხომ დაინახეთ, რა თქვა და ხომ იცით “ქართული ოცნების“ ნარატივიც, რომ სხვები ებრძვიან ქართულ ტრადიციებს და თვითონ ტრადიციების მოყვარულია, ქალის პატივისმცემელი ხალხი არიან. ამ ნარატივში როგორ ჯდება ეს ყველაფერი? თან ეს ხომ არ არის პირველი შემთხვევა? ბერაიას არ დაუწყია მარტო ამით, ბერაია ამ გზაზე იდგა უკვე დიდი ხანია და ის უბრალოდ არავინ არ “წაატორმუზა“, როცა შეცდომებს უშვებდა. ჩემი აზრით, გუნდის შიგნითაც ყველასთვის გასაგებია, რომ პრობლემაა ეს ადამიანი. წარმოიდგინეთ, რომ ოპოზიციის მხრიდან თქმულიყო ასეთი რამ “ქართული ოცნების” ქალ დეპუტატზე, გალახავდნენ იმას “ქოცები” და პასუხსაც ვერაფერს მოსთხოვდი“, – განაცხადა იაგო ხვიჩიამ.
ცნობისთვის, 31 ოქტომბრის პარლამენტის პლენარულ სხდომაზე საპარლამენტო უმრავლესობის დეპუტატმა ირაკლი ბერაიამ პარლამენტის დამოუკიდებელ დეპუტატ თეონა აქუბარდიას შეურაცხმყოფელი რეპლიკებით მიმართა. გარდა ამისა, სიტყვიერი დაპირისპირება იყო ალუდა ღუდუშაურსა და ანა წითლიძეს შორისაც. წითლიძემ ღუდუშაურს „დებილი”, “ქართული ოცნების” დეპუტატმა კი პარლამენტის ოპოზიციონერ წევრს “ბანძი” უწოდა: „შენ ხარ ბანძი ადამიანი, ჩვეულებრივი ბანძი ქალი ხარ”, – მიმართა ღუდუშაურმა წითლიძეს.
ამასთან, შემდგომ, ირაკლი ბერაიამ თეონა აქუბარდიას მისამართით გაკეთებული შეურაცხმყოფელი განცხადების გამო ბოდიში მოიხადა.
“ინტერპრესნიუსი”
მსგავსი სტატიები:
“დედაჩემი იტყოდახოლმე, დანა რომ დამარტყა,სისხლი არ გამომივაო-ასე ვარ მეც”
“2008-2020 წლებში გელათში მიმდინარეობდა ძეგლისათვის საზიანო ექსპერიმენტი”
IRI: გამოკითხული 64%-ისთვის ქვეყნის ყველაზე მთავარი პრობლემა უმუშევრობაა
მიხეილ სააკაშვილი ბათუმიდან ვიდეოს ავრცელებს
“კოვიდის “ომიკრონ” ვარიანტი არის შეშფოთების და არა პანიკის მიზეზი”
“კითხვას, უნდა ჩამოსულიყო თუ არა მიშა, მხოლოდ ქოცები და ივანიშვილის იდიოტები სვამენ” – ნანუკა ჟორჟოლიანი
შუალედური არჩევნები ბათუმში – ენმ შედეგებს ეხმაურება
როგორც არ შეიძლება, ვირმა კრიალოსანზე ისაუბროს, ისე არ შეიძლება, ნაცმოძრაობამ ისაუბროს სასამართლოზე – კობახიძე