“ჩვენ პირველად ვნახავთ მესამე ვადით დარჩენილ მთავრობას, ან ვიხილავთ კოალიციურ მმართველობას” – ამის შესახებ, ამერიკელმა დიპლომატმა, სახელმწიფო დეპარტამენტის ყოფილ მაღალჩინოსანმა, „ატლანტიკური საბჭოს” უფროსმა მკვლევარმა მეთიუ ბრაიზამ “პრაიმტაიმნიუსთან” საუბარში განაცხადა.
„ჯერ კიდევ ერთი წლის წინ, ნაციონალური მოძრაობის, ევროპული საქართველოს, ქართული ოცნების, ჟურნალისტებისა, თუ სხვების მიერ დასმულ კითხვაზე – საზოგადოებაში სამართლიანობის დასანერგად საკმარისია თუ არა ის რეფორმები რაც ტარდება, ვპასუხობდი, რომ 2020 წლის საპარლამენტო არჩევნები იქნებოდა ძალიან მნიშვნელოვანი მომენტი.
დადგა საპარლამენტო არჩევნები და ეს ძალიან მნიშვნელოვანია ქართული დემოკრატიისთვის. ჩვენ, ყველა ერთად, ან პირველად ვნახავთ მესამე ვადით დარჩენილ მთავრობას, ან ვიხილავთ კოალიციურ მმართველობას. ნებისმიერ შემთხვევაში, ეს (კოალიციური მთავრობა) საუკეთესო გამოსავალია.
ბედნიერი ვარ, რომ მარტის თვეში ოპოზიციურმა ლიდერებმა შეძლეს გაერთიანება და ელექტორატის რეფორმის შესახებ კანონის მიღება (პროპორციული საარჩევნო სისტემა).
ვფიქრობ, რომ ეს რეფორმები ძალზე საინტერესო ვითარებას შექმნის – 1 პროცენტიანი ბარიერით, სხვადასხვა პარტიები მრავალფეროვან პარლამენტს განაპირობებენ, თუ კოალიციური მთავრობა იქნება და პატარა პარტიებსაც შეიერთებენ.
თუმცა, მთავარი ისაა, რომ მთავრობა ისე იფუნქციონირებს, შეძლებს რეფორმების განხორციელებას. საქართველო წინ წავა, ითანამშრომლებს აშშ-თან და ყველა მეგობარ სახელმწიფოსთან, რათა გზა ნატოსკენ გაიკვალოს, რაც დიდი ხნის წინ უნდა მომხდარიყო“, – ამბობს მეთიუ ბრაიზა.
მსგავსი სტატიები:
“დიახ, ბიძინამ ხალხი გადაარჩინა”-რეჟისორი
გურიის სამხარეო პოლიციის უფროსმა თანამდებობა დატოვა
“რკინის ჯებირზე ხელების რტყმას თუ არ შეწყვეტენ, პოლიცია პროპორციულ ძალას გამოიყენებს”
ქეიფი ოზურგეთში კომენდანტის საათის დროს- ვინ იმყოფებოდა სუფრაზე მინისტრთან
“გუშინ ადიდებდნენ, დღეს ლანძღავენ… მეცნო”
“დაისაჯონ მოძალადე პოლიციელები” – ურეკში საპროტესტო აქცია გაიმართა
“და ვიღაცას ჰგონია, რომ ესენი რამეს გამკეთებლები არიან”? – რამ გაახსენა 1900-იანი წლები ირაკლი მახარაძეს?
“არ დაიჯეროთ, რომ ბევრი არიან! არ დაუთმოთ ამათ ეს ქვეყანა”