ცნობილი რეჟისორი, მერაბ კოკოჩაშვილი ქვეყანაში შექმნილ ურთულეს პოლიტიკურ მდგომარეობას აფასებს და ხელისუფლებაც და ოპოზიციაც მწვავედ აკრირიკებს და მათ საქმეზე კონცენტრირებისკენ მოუწოდებს. მიხეილ სააკაშვილის საქართველოში დაბრუნებას შეცდომას უწოდებს. მეორეს მხრივ კი ხელისუფლების არასწორ მოქმედებებსაც ხედავს:
”ძალიან დიდი შეცდომა დაუშვა, ეს იყო კონსტიტუციის დარღვევა! ჯერ კიდევ, თვაისივე ინაუგურაციის დროს კონსტიტუციაზე ფიცი დადო და საზღვარზე ჩუმად გადმოპარვით თავისივე კონსტიტუცია დაარღვია. აღარ მსურს სხვა მხრივ ყურადღება გავამახვილო მის ქცევებზე, მაგრამ მორალურად ვერაფრით ვერ დავუჭერ მხარს იმ ადამიანს, რომელზეც პირველმა მეუღლემ არ იცის, რომ უკვე მეორე მეუღლე ჰყავს… მე თუ თანამდებობაზე ადამიანი უნდა ავირჩიო, რომელიც ჩემს ქვეყანას წარმართავს – მორალურად, საზოგადოებრივად, პოლიტიკურად მის სისწორეში დარწმუნებული უნდა ვიყო. მიხეილ სააკაშვილს დაშვებული აქვს შეცდომები, რომელზეც პასუხებია გასაცემი…
ცალკე საკითხია დღევანდელი ხელისუფლება, რომელსაც ასევე ძალიან ბევრი შეცდომა აქვს! მეტად უნდა ცდილობდნენ, დიალოგი აწარმოონ დღევანდელ ოპოზიციასთან, უფრო მეტად ინტელექტუალურად გაწონასწორებულები უნდა იყვნენ! ასე პირდაპირ არ უნდა ერთვებოდნენ ყველანაირ დაპირისპირებაში და მთელი დრო ერთმანეთის ლანძღვაში არ უნდა გადიოდეს!
იძახიან, მიხეილ სააკაშვილს ცუდად მოექცნენო, მაგრამ ადამიანი, რომელიც ქვეყანაში შემოიპარა, მისი ქცევაც სწორი იყო? – ის რომ თვითმფრინავში ჩამჯდარიყო, ჩამოფრენილიყო და დაეკავებინათ, ბევრად უფრო ვაჟაცურად გამოჩნდებოდა ჩვენს თვალში. მიხეილ სააკაშვილმა დანაშაული ჩაიდინა საზღვრის გადმოლახვით! მიუხედავად ამ ყველაფრისა, მმართველმა ხელისუფლებამ უფრო მეტი უნდა მოითმინოს, ყველაფერი ეცადოს პარლამენტში რომ დასვას ოპოზიცია და ხალხმაც ბოლოსდაბოლოს გავიგოთ ოპოზიციას რა უნდა! ძალიან მინდა ხმა იმას მივცე, ვიზეც მეცოდინება რა უნდა! თუ მმართველი გუნდი და ოპოზიცია იმდენს ვერ ხვდებიან, რა შეიძლება ქვეყანას დაემართოს ამ არეულობით, რაც ერთხელ უკვე ოთხმოცდაათიანებში დაგვემართა, მაშინ მთლად წასულა საქმე!
ქვეყანაში ტოტალური გაჭირვებაა, მაგრამ პარადოქსია და ქუჩაში გავლა ნებისმიერ დროს შეუძლებელია. ანუ აქვს ქვეყანას შესაძლებლობა ამდენი მანქანა იყოს მილიონნახევრიან ქალაქში. ეს ნიშნავს, რომ ხალხში არის წინსვლის ინიციატივა და საქმიანობა შეუძლიათ… ჩვენი ხელისუფლების ამჯერად მიღებული გადაწყვეტილება, არა დახმარების, არამედ დასაქმების შანსი, იმედის მომცემია და მაგას ვემხრობი. ამიტომ, ხელისუფლებაც და ოპოზიციც ქუჩაში კი ნუ იბრძოლებენ, საქმე აკეთონ.” – ამბობს მერაბ კოკოჩაშვილი “კვირის პალიტრასთან” საუბარში.
მსგავსი სტატიები:
აჭარის პოლიციის დეპარტამენტის ხელმძღვანელმა თანამდებობა დატოვა
მნიშვნელოვან გამოწვევად რჩება მართლმსაჯულების დამოუკიდებლობა- ევროკავშირის ანგარიში
ყველა ჩემი კოლეგა მენანება, ვინც ხელი მოაწერა დოკუმენტს- მელია
ქვეყანაში შექმნილი უმძიმესი ვითარების ფონზე, საქართველოში შარლ მიშელი კიდევ ერთხელ ჩამოდის
“ამ კონკრეტულ ეპიზოდს მიშა უგებს ბიძინას…არა აქვს მნიშვნელობა, ვინ ზის ციხეში და ვინ–შუშის სასახლეში”-სანაია
“დავბადებულვარ, რომ ვიყო მონა და… ბიძინასი მედგას უღელი“-წულაია
არ უნდა ყოფილიყო არავითარი დანდობა, პასუხი ყველას უნდა მისცემოდა-წულუკიანი კოჰაბიტაციაზე
”განაჩენი უკვე დაწერილია. და ეს ყველამ კარგად იცის. სააკაშვილის ბედი იმ დარბაზში არ წყდება”-ზაზა ბიბილაშვილი