“დასკვნა უკიდურესად კრიტიკული და მწვავეა და ნათლად იკითხება, რომ “ოცნებამ” უკვე ყველა წითელი ზღვარი გადაკვეთა”

“დასკვნა უკიდურესად კრიტიკული და მწვავეა და ნათლად იკითხება, რომ “ოცნებამ” უკვე ყველა წითელი ზღვარი გადაკვეთა” – ასე ეხმაურება საქართველოს მესამე პრეზიდენტი მიხეილ სააკაშვილი სახდეპის ანგარიშს. რუსთავის სასჯელაღსრულების მე-12 დაწესებულებიდან გავრცელებული მიმართვა მის Facebook-გვერდზე ვრცელდება:

სახელმწიფო დეპარტამენტის მოხსენება, რომელიც სახელმწიფო მდივანმა, ენტონი ბლინკენმა წარადგინა, უმძიმესი და საგანგაშოა. პრაქტიკულად, ყველა მიმართულებით კატასტროფა გვაქვს.

ჩემი საქმე შეტანილია წამებისა და არაადამიანური მოპყრობის თავში, რაც უკვე ცალკე შემდგარი უმძიმესი შეფასებაა. ამ თავში ჩემს მიმართ მოპყრობის კონტექსტში არაადამიანური და ღირსების შემლახავი მოპყრობის ხსენებაც კი უმძიმესი დარტყმაა ხელისუფლებისთვის.

ამას გარდა, სახდეპი სახელმწიფო ინსპექტორის სამსახურის გაუქმებას პირდაპირ და ცალსახად უკავშირებს ჩემს მიმართ არაადამიანური მოპყრობის საქმეზე დაწყებულ გამოძიებას.

დასკვნაში ცალკეა ჩამოთვლილი პოლიტიკურად მოტივირებული საქმეები, მათ შორის, ნიკა გვარამიას, ნიკა მელიას, ხაზარაძე-ჯაფარიძე-წერეთლის, კეზერაშვილის საქმეები.

პრაქტიკულად მიწასთანაა გასწორებული სასამართლო ხელისუფლება და მას პირდაპირ უწოდებენ კლანს, რომელიც დგას კორუფციასა და მთავრობის მორჩილებაზე.

დასკვნა ბევრი სხვა მიმართულებითაც უკიდურესად კრიტიკული და მწვავეა და ნათლად იკითხება, რომ “ქართულმა ოცნებამ” (და არა, ქართველმა ხალხმა) უკვე ყველა წითელი ზღვარი გადაკვეთა, – წერს მიხეილ სააკაშვილი.

გააზიარეთ და მოიწონეთ სტატია:

მსგავსი სტატიები:

მშვენიერაძე დავითგარეჯის შესახებ ივანიშვილის განცხადებაზე “დაისვენოს და ჩვენც დაგვასვენოს“-ჩარკვიანი ელისაშვილზე “ვგულშემატკივრობთ ნიკას” “არავის ისე არ გაუთელია ფეხქვეშ “კაიბიჭობის” ინსტიტუტი როგორც ქოცებს” – ოქრუაშვილი ქართველები ლეგალურად დასაქმებას ბულგარეთშიც შეძლებენ “რა პოლიტიკურ მორატორიუმზეა ლაპარაკი, როდესაც ადამიანმა დანაშაული ჩაიდინა” – ვოლსკი ზურაბიშვილის თქმით, თანხმობის პროცესი საზოგადოების ფორმატში უნდა გაგრძელდეს “მითი “რუსეთის უძლეველობისა” უნდა გაქარწყლდეს…რუსეთი ოკუპანტია!”-ირმა გორდელაძე