კობახიძე რეზოლუციაზე: ასეთი გადაწყვეტილება შეშურდებოდა საბჭოთა კავშირის უზენაეს საბჭოსაც

ქართული ოცნების თავმჯდომარე, ირაკლი კობახიძე ევროპარლამენტის მიერ მიღებულ რეზოლუციას საბჭოთა კავშირის უზენაესი საბჭოს გადაწყვეტილებებს ადარებს და აცხადებს, რომ ეს სსრკ-ის უზენაეს საბჭოსაც “შეშურდებოდა”. ამის შესახებ მან რუსთავის 2-ის გადაცემა ღამის კურიერში ისაუბრა.

“საზოგადოება მიეჩვია აბსურდულ ჩანაწერებს ევროპარლამენტის რეზოლუციებში, რაც ძალიან სამწუხარო მოვლენაა, მაგრამ ეს არის ფაქტი. იმასაც უნდა გაესვას ხაზი, რომ აბსურდულ ჩანაწერებს მოგვიანებით არ იზიარებს არც ევროკომისია და არც ევროპული საბჭო. ასე მოხდა წინა ორ შემთხვევაში და ასე მოხდება, დარწმუნებული ვარ, ამ შემთხვევაშიც. რა სჭირს ევროპარლამენტს, არ ვიცი, ახლა. მაქსიმალურად ვუფრთხილდებოდით ჩვენ ევროკავშირის ინსტიტუტებს, სწორედ ამიტომ ვსაუბრობდით და აქცენტს ვაკეთებდით, მაგალითად, კონკრეტულ ოდიოზურ ევროპარლამენტარებზე.

მაგრამ ამ შემთხვევაში საზოგადოება ხედავს ყველაფერს, ეს არის სისტემური პრობლემა, რომელიც აქვს ამ ინსტიტუტს, რასაც ჰქვია ევროპარლამენტი. ეს არის ძალიან სერიოზული პრობლემა, ასეთი გადაწყვეტილება, მე პირდაპირ ვიტყვი, შეშურდებოდა საბჭოთა კავშირის უზენაეს საბჭოსაც. მე კარგად მახსოვს 80-იანი წლების ბოლო მაშინ რაც ხდებოდა, გადაიცემოდა მაშინ საბჭოთა კავშირის უზენაესი საბჭოს სხდომები. იქ რაც ხდებოდა, იგივე მოხდა დღეს და იგივე მოხდა წინა ორი რეზოლუციის შემთხვევაში ევროპარლამენტში, ეს არის სრული კატასტროფა”, – განაცხადა მან.

კობახიძის განცხადებით, ევროპარლამენტარები და ამ ცვლილებების ინიციატორები “შეგნებულად” მფარველობენ დამნაშავეებსა და დამნაშავე პოლიტიკურ ძალას იმიტომ, რომ მათ კონკრეტული ინტერესი აქვთ.

გააზიარეთ და მოიწონეთ სტატია:

მსგავსი სტატიები:

“სიკვდილისთვის კარი არ უნდა გაგეღო არწივო”! “დაისახე მიზანი და გაბედე” – მეი მასკი “ამ ეტაპზე, საკოორდინაციო საბჭო მკაცრ „ლოკდაუნს“ არ განიხილავს” “შეწყდეს პოლიტიკური ნიშნით ადამიანების დევნა” – ემიგრანტების აქცია აშშ-ში ტუსკი-მოვუწოდებ კოლეგებს პრემიერთან განიხილონ სააკაშვილის გათავისუფლების საკითხი “ოზურგეთის კლინიკა მედალფა სოლიდარობას უცხადებს უკრაინელ ხალხს”-დათო მდინარაძე ”ვწუხვარ ჩემი მოძალადე კოლეგების გამო, რომელთა სიველურე, ეკლესიის ეზოში, გუშინ სრულიად საქართველომ იხილა” – თათია ნიკოლაშვილი სტალინის შიფროგრამა 438/Ш ბენია ჩხიკვიშვილისა და ნოე ხომერიკისათვის დახვრეტის მისჯასთან დაკავშირებით