არ მოგენატრათ გამარჯვების გემო? გამარჯვების ყიჟინა? ჩვენ აუცილებლად გამოგვივა, აუცილებლად გავიმარჯვებთ – ლევან ხაბეიშვილი

ერთხელ უკვე ამოვიყვანეთ ქვეყანა ჭაობიდან და ახლაც ასევე ავაშენებთ, ასევე ვემსახურებით ხალხს წარსულის შეცდომებზე გამობრძმედილები და ნასწავლები, – ამის შესახებ „ნაციონალური მოძრაობის“ თავმჯდომარე ლევან ხაბეიშვილმა „ვარდების რევოლუციის“ 20 წლისთავისადმი მიძღვნილ პარტიის ღონისძიებაზე სიტყვით გამოსვლისას განაცხადა.

ხაბეიშვილის თქმით, საქართველო იმსახურებს, იყოს წარმატებული.

„ვამბობთ და ვიცით, უსწრაფესად როგორ უნდა გახდეს საქართველო ევროკავშირის წევრი, ვამბობთ, რომ ყველაზე დიდი აეროპორტი უნდა ავაშენოთ სოხუმში, რომ სოხუმი იქნება ევროპაში თითით საჩვენებელი, უმაგრესი და წარმატებული ქალაქი. ვამბობთ, რომ უნდა ავაშენოთ ლაზიკა, რომ წყალტუბო თავისი უნიკალური შესაძლებლობებით იქნება ტურისტული სამოთხე, რომ გურიაში აშენდება აეროპორტი, რომელიც იქნება ლოჯისტიკური ცენტრი. ასევე ვამბობთ, რომ გვინდა ახალი რკინიგზა – თბილისი-ბათუმი, რომელიც დაიფარება ერთ საათსა და ათ წუთში და დააკავშირებს ბაქოს, თბილისსა და სტამბოლს. ჩვენ ვამბობთ, რომ თბილისთან ახლოს უნდა აშენდეს უზარმაზარი აეროპორტი, რომელიც ნამდვილად იქნება ჰაბი და როგორც სტამბოლის აეროპორტშია დასაქმებული ასი ათასობით ადამიანი, ასევე დასაქმდება საქართველოს მოქალაქე ამ აეროპორტში.

არ მოგენატრათ გამარჯვების გემო? არ მოგენატრათ გამარჯვების ყიჟინა? რამდენიც არ უნდა გვეძახონ, რომ ცუდები ვართ, რომ არაფერი გამოგვივა, რომ ვერ შევძლებთ ერთობას, ბრძოლას, გამარჯვებას, ჩვენ აუცილებლად გამოგვივა, აუცილებლად გავიმარჯვებთ. არასდროს დავნებდებით. ჩვენ ერთხელ უკვე დაგვიმარცხებია კორუფცია, ამოგვიყვანია ეს ქვეყანა ჭაობიდან და ახლაც ასევე დავამარცხებთ, ასევე ავაშენებთ, ასევე ვემსახურებით ხალხს წარსულის შეცდომებზე გამობრძმედილები და ნასწავლები“, – განაცხადა ლევან ხაბეიშვილმა.

გააზიარეთ და მოიწონეთ სტატია:

მსგავსი სტატიები:

“მოსალოცი ამბავია, მაგრამ ცხადია განადგურებული ადამიანებისთვის ვერაფერს შეცვლის” ისევ უცნობია როდის გაიხსნება თეატრები “ ენმ-ის დროს ციხეში არმოხვედრას ნატრობდნენ, ახლა კი მელია ციხიდან არ გამოდის” რას სთხოვს ხელისუფლებას მიხეილ სააკაშვილზე ზაზა დამენიას შვილი ვისოლის დირექტორის თქმით, საწვავის ფასი 1-2 კვირაში შესაძლოა, 20-25 თეთრით გაიზარდოს “ივანიშვილის ვალდებულებებს და შიშებს რუსეთის მიმართ, ეწირება მთელი ქვეყნის დასავლური მომავალი” ორსული სკოლის მოსწავლის ამბავი – 12 წლის მოზარდი დედა ხდება “ქართული ოცნება” გაჯიუტებული ვირივით აწვება საქართველოს რუსული ტალახისკენ – პაატა მანჯგალაძე