ქობულეთში 14 წლის გოგოს თვითმკვლელობის საქმეზე მისი ბაბუა დააკავეს.
შინაგან საქმეთა სამინისტროს ცნობით, კაცი შვილიშვილის მიმართ მუქარისა და ძალადობის ბრალდებით დაააკავეს. მას ბრალის დამტკიცების შემთხვევაში 3 წლამდე ვადით პატიმრობას ემუქრება.
გამოძიება 11 პრიმა 151-ე მუხლის მე-2 ნაწილის “გ” და “დ” ქვეპუნქტებით, ასევე, 126-ე პრიმა მუხლის მე-2 ნაწილის “ა” ქვეპუნქტით მიმდინარეობს, რაც ოჯახური ნიშნით, წინასწარი შეცნობით არასრულწლოვნის მიმართ ჩადენილ მუქარასა და ოჯახში ძალადობას გულისხმობს.
ქობულეთში 14 წლის გოგოს თვითმკვლელობის შესახებ 10 თებერვალს გახდა ცნობილი. გარდაცვლილის გოგოს ბაბუის თქმით, თვითმკვლელობამდე გოგონაზე ორჯერ იძალადეს.
მისი თქმით, პირველი ინციდენტის დროს, გარდაცვლილს ინფორმაცია საკუთარი ოჯახის წევრებისთვისაც არ მიუწოდებია. მეორე შემთხვევა 2020 წლის დეკემბერში მოხდა, რის მერეც, გოგონას ოჯახმა სამართალდამცავ ორგანოებს მიმართა.
სამართალდამცველებმა კი, სავარაუდო დამნაშავე გოგონას თვითმკვლელობის შემდეგ, 11 თებერვალს დააკავეს. საქმეზე დაკავებულს პირს ბრალი ორი მუხლით აქვს წარდგენილი: სისხლის სამართლის კოდექსის 115-ე და 140-ე მუხლებით, რაც თვითმკვლელობამდე მიყვანასა და თექვსმეტი წლის ასაკს მიუღწეველთან სექსუალური კავშირის დამყარებას გულისხმობს.
თურქეთიდან დაბრუნებულმა მოზარდის დედამ ფორმულასთან შვილის თვითმკვლელობის გარშემო არსებულ მძიმე გარემოებებზე ისაუბრა.
გარდაცვლილის დედის თქმით, საქმეზე დაკავებული პირის მხრიდან მის შვილზე განხორციელებული სექსუალური ძალადობის შემდეგ, 14 წლის მოზარდს უკიდურესად შევიწროვებულ და ძალადობრივ გარემოში უწევდა ყოფნა. მისივე მონათხრობით, ნათესავებმა გოგოს “უმოწყალოდ სცემეს”.
მისი თქმით, 14 წლის ქალიშვილის მდგომარეობის შესახებ სრულად იყო ინფორმირებული სოციალური მუშაკიც, რომელმაც მძიმე ემოციური და ფიზიკური გარემოებების მიუხედავად, მოზარდისთვის ფსიქოლოგის მეთვალყურეობა არ უზრუნველყო.
დაკავებული კაცის დედა კი ამბობს, რომ ბავშვზე ბაბუა ძალადობდა, ხოლო მის შვილს “თითი არ დაუკარებია”.
ბრალდებულს აღნიშნულ საქმეზე წინასწარი პატიმრობა 13 თებერვალს შეეფარდა.
მსგავსი სტატიები:
ბათუმში, ზღვაში, მამაკაცის ცხედარი იპოვეს
ულამაზესი ანიმაცია საქართველოზე(ვიდეო)
შვილმა მამა ცივი იარაღით მოკლა
ლავასოღლი უკრაინიდან ექსტრადირებულია – ის მონტენეგროში გაუშვეს
საკრებულოს დეპუტატი ოზურგეთის პატრულს თვალთვალში ადანაშაულებს და სასამართლოში უჩივის
სასტიკი მკვლელობა ფოთში – შვილიშვილმა ბებია სამზარეულოს დანით მოკლა
ვინ არის ოზურგეთში დაჭრილი ახალგაზრდა-მომხდარის დეტალები
მამა იოსები “შუაში რომ რაღაც არის, დავაჭერ ხელს, მერე ტექსტს ავკრიფავ და ვაგზავნი, მარა მაქ მეშლება ხშირად”