“დღეს დეპუტატების და მერების არჩევა უპრინციპო საჯარო მოხელეებისა და მოსყიდული ამომრჩევლების ხელთაა”

ოზურგეთელი პედაგოგი, ირმა გორდელაძე საკუთარ ფეისბუქ გვერდზე წინასაარჩევნო გარემოზე წერს და დღევანდელი და გასული საუკუნის ამომრჩევლების სამოქალაქო პასუხისმგებლობას შორის პარალელს ავლებს:
“თვითმმართველობის ისტორიიდან.
100 წლის წინ საქართველო დემოკრატიის პატარა კუნძული იყო.
1919 წლის დამოუკიდებელი საქართველოს დამფუძნებელი კრების შემადგენლობაში 5 დეპუტატი ქალი შევიდა. საერობო არჩევნები ჩატარდა და თვითმმართველობები მოქმედებას შეუდგნენ.
1920 წელს საქართველოს დარჩენილ ოლქებში საერობო არჩევნები შედგა.ბოლო არჩევნები ჩატარდა ყარაიზის მაზრაში( გარდაბნის მუნიციპალიტეტი) , სადაც ძირითადად აზერბაიჯანული მოსახლეობა იყო.
პარტიულ ჭიდილში, უპარტიო კანდიდატმა, მუსლიმმა ქალმა ფარი-ხანუმ სოფიევამ გაიმარჯვა და თბილისის სამაზრო ერობის მეხუთე ხმოსანი გახდა ყარაიზის ოლქიდან.
როგორ მოახერხა 34 წლის უპარტიო კანიდატმა არჩევნებში გამარჯვება???
დასკვნა:
საუკუნის წინ სამოქალაქო ცნობიერება იყო მაღალი და ქვეყანა იდგა დემოკრატიულ საწყისებზე.
დღეს დეპუტატების და მერების არჩევა რეკეტიორების, უგუნური, უპრინციპო საჯარო მოხელეების, ასევე მოსყიდულ და უპასუხისმგებლო ამომრჩევლების ხელთაა.( მცირე გამონაკლისის გარდა)”-წერს გორდელაძე.
გააზიარეთ და მოიწონეთ სტატია:
Pin Share