„ოცნება” პრეზიდენტის მიერ დანიშნულ რიგგარეშე სხდომაზე დასწრებას არ აპირებს – კვორუმი არ შედგება

საპარლამენტო უმრავლესობის წევრის, გივი მიქანაძის განცხადებით, „ქართული ოცნების” დეპუტატები არ გეგმავენ პრეზიდენტის მიერ მოწვეულ პარლამენტის რიგგარეშე სხდომაზე დასწრებას. რაც იმას ნიშნავს, რომ სხდომა კვორუმის არარსებობის გამო არ გაიმართება.

„ხვალ პარლამენტის 41 დეპუტატის ინიციატივით, რომელთაგან დიდი უმრავლესობა “ნაციონალური მოძრაობის” წევრია, მოწვეული იქნა პარლამენტის რიგგარეშე სხდომა. ყოველგვარი მინიშნებების გარეშე, პირდაპირ გვინდა განვაცხადოთ, რომ უკრაინის მიმართ რუსეთის ღია სამხედრო აგრესიის საკითხზე იმ ხალხის მიერ შემოთავაზებულ შოუში, რომლებმაც 2008 წლის აგვისტოს ომიდან ორ თვეში საკუთარი ქვეყანა და სამხედრო ძალები ომის დაწყებაში და ცხინვალის კასეტური ბომბებით დაბომბვაში დაადანაშაულეს, მონაწილეობას არ ვაპირებთ. აქვე დავძენთ, რომ სხდომის გამართვის საჭიროება ამ ეტაპზე ობიექტურადაც არ არსებობს. იმაზე ყურადღების გამახვილებაც კი არ ღირს, რომ მათ დღის წესრიგში შესატანი ორი საკითხიდან ვერც ერთი მოარგეს საქართველოს პარლამენტის რეგლამენტით დადგენილ ნორმებს”, – განაცხადა მიქანაძემ.

დეპუტატი ოპოზიციას არაპრაგმატულ მოქმედებაში ადანაშაულებს.

„იკვეთება, რომ რადიკალური ოპოზიციის, რომელიც წარმოადგენს მეხუთე კოლონას საქართველოში 2008 წლიდან მოყოლებული დღემდე, პირდაპირი ამოცანაა საქართველოსკენ გადმოვიდეს მეტი ყურადღება, შეიქმნას პროვოკაციული ფონი და ჩვენმა ქვეყანამაც არა პრაგმატული, არამედ ემოციური გადაწყვეტილებები მიიღოს და გამოუსწორებელი შეცდომები დაუშვას. ჩვენი ამოცანა კი პირიქით, პრაგმატული პოლიტიკის გაგრძელება, ჩვენი ქვეყნის, უსაფრთხოების, ეროვნული ინტერესების და ეკონომიკის დაცვაა.

ამავე დროს ყველა საერთაშორისო პლატფორმიდან მხარს ვუჭერთ უკრაინელ ხალხს, უკრაინას, მის სუვერენიტეტსა და ტერიტორიულ მთლიანობას”, – თქვა ფრაქცია „ქართული ოცნების” წევრმა.

ოპოზიციის დეპუტატებმა პარლამენტის თავმჯდომარე შალვა პაპუაშვილთან გამართული შეხვედრის შემდეგ გამოთქვეს ეჭვი, რომ „ქართული ოცნება” შეეცდებოდა რიგგარეშე სხდომის ჩაშლას.

გააზიარეთ და მოიწონეთ სტატია:

მსგავსი სტატიები:

ბუკნარის მუსლიმი მოსახლეობა სოფლის გამგებლის და სკოლისა დირექტორის განთავისუფლებას ითხოვს 10 ქვეყანა, საიდანაც 2020 წელს ყველაზე მეტი ფულადი გზავნილი შემოვიდა “ამაში დაიხარჯა 2 მილიონ 900 ათასი”?-წყალს გატანებული სამი მილიონი ლანჩხუთში აშშ-ს სენატი ყველა პარტიას მოუწოდებს ხელი მოაწერონ და შეასრულონ 19 აპრილის შეთანხმება ომბუდსმენი: რამდენიმე დღე არ ვიქნები საქართველოში, მომხსენებელი ვარ საერთაშორისო ფორუმზე – Future Of Democracy მელია სააკაშვილზე: შეიძლება გადარჩეს, მაგრამ დარჩეს ძალიან მძიმე ხეიბარი “თავისუფლება მიშას!” – ფოთში მოქალაქეები ღარიბაშვილს ტრანსპარანტებით დახვდნენ პანკისის წარსულის ექო – გიორგი თარგამაძის ედიტორიალი