თბილისის საქალაქო სასამართლოში მესამე პრეზიდენტის პროცესი იწყება. ორივე ადვოკატი სასამართლოში უკვე მივიდა. დღეს მიხეილ სააკაშვილი სხდომას ვერ დასწერება, რადგან ჯანმრთელობის მდგომარეობა ამის საშუალებას არ აძლევს.
ადვოკატ შოთა თუთბერიძის თქმით, პრეზიდენტის ჯანმრთელობის მდგომარეობის უკიდურეს გაუარესებაში წვლილი პენიტენციურ სამსახურთან ერთად, სასამართლომაც შეიტანა.
“დღევანდელ პროცესზე მიხეილ სააკაშვილი ვერ ესწრება მხოლოდ იმიტომ, რომ მას სამედიცინო დახმარება არ გაუწია პენიტენციურმა სამსახურმა, მათ შორის ამ საქმეში სასამართლოს აქვს წვლილი შეტანილი. როდესაც ჩვენ მოვითხოვეთ წინა სხდომებზე არაერთხელ სამედიცინო დახმარების გაწევა და სასამართლომ მკვდრადშობილი განჩინებები მიიღო, ძალიან ზოგადი რეგულაციებით, დღეს ვიმკით ამ უმოქმედობის შედეგს სასამართლოს მხრიდან და მოქმედებების შედეგს პენიტენციური სამსახურის მხრიდან. რომელსაც ერთი შედეგი აქვს მხოლოდ, რომ მიხეილ სააკაშვილი როგორც ფიზიკურად, ასევე, პოლიტიკურად იქნეს ნეიტრალიზებული”,- ამბობს ადვოკატი, შოთა თუთბერიძე.
ადვოკატ, დიმიტრი საძაგლიშვილის თქმით, პროცესზე მათი მთავარი მიზანი იქნება ეცადონ მიხეილ სააკაშვილისთვის ადეკვატური სამედიცინო სერვისების უზრუნველყოფა დაევალოს პენიტენციურ სამსახურს.
ცნობისთვის, სხდომის პარალელურად საქალაქო სასამართლოს ეზოში მიხეილ სააკაშვილის მხარდაჭერები არიან შეკრებილები. მათ ადგილზე მიტანილი აქვთ ბანერები წარწერით: “თავისუფლება მესამე პრეზიდენტს”.
მსგავსი სტატიები:
ეკატერინე ტიკარაძე: ინფიცირებულთა რაოდენობასთან ერთად, იზრდება კრიტიკულ პაციენტთა რიცხვიც
დეკანოიძე: როცა პარტიის თავჯდომარე ციხეშია, ვერ იქნება ჩვენი გადაწყვეტილება სრულფასოვანი
“მთავარის” ინფორმაციით, კულუარებში ღარიბაშვილის გადაყენებას და კუჭავას გაპრემიერებას განიხილავენ
“ეს შეუმდგარი არარაობები, “მიშმადიდებლები” არიან… დღემდე მიშას მისტირიან”…
„ჟურნალისტური ეთიკის ქარტიის“ მიმართვა ხელისუფლებას
“არ გაბედოთ და არ ჩაფარცხოთ ბიჭების გარდაცვალების საქმეები” – რას წერს ბესო ქათამაძე
“ბიძინა ივანიშვილი, ვისი ხუშტურების გამოც აწამეს მიხეილ სააკაშვილი…ამ ადამიანებს ვერ დაიცავს”- ადვოკატი წამებაში მონაწილეებზე
ხმაური ალტ ინფოს ჩოხატაურის ოფისთან – მოქალაქეები ოფისის გახსნას აპროტესტებენ