“დაუშვი ბევრი შეცდომა, ასე იწრთობა ადამიანი, როგორც ფოლადი…”

“ადამიანის ყველაზე დიდი დანიშნულება საკუთარი თავის და ადგილის პოვნაა. ეს კი თავისუფლების შეგრძნების გარეშე შეუძლებელია.

უნდა დაეხსნა საზოგადოებრივ მენტალობას და პიროვნებად ჩამოყალიბდე.

უნდა იბრძოლო საკუთარი ბილიკის გამოსაკვეთად.

შეიძლება შენ მიერ გავლილი გზა არავის გამოადგეს, მაგრამ ის შენია და აუცილებლად უნდა განვლო.

სხვისი გაკაფული ბილიკები არ არის საინტერესო.

ვიღაცას მოეწონები, ვიღაცას არა. არც ეს უნდა იყოს ამოსავალი წერტილი.

საკუთარი თავის პოვნას, საკუთარ თავთან შერიგებას, შენი ადგილის აღმოჩენას ბედნიერება მოაქვს.

მაშინ ყველაფერი გიხარია. განსაცდელიც, გამოწვევაც, შეცდომების დაშვებაც საინტერესო ხდება.

არავის წინაშე ხარ ვალდებული, საკუთარი თავის გარდა.

დაუშვი ბევრი შეცდომა, ასე იწრთობა ადამიანი, როგორც ფოლადი…”

მამა პეტრე