“ერთიანობა – ნაციონალური მოძრაობის” ერთ-ერთი ლიდერი, თინა ბოკუჩავა პროკურატურაში გამოკითხვაზე დაიბარეს – როგორც ოპოზიციონერმა პოლიტიკოსმა “ტვ პირველის” ეთერში განაცხადა, გაბიტაშვილის უწყებაში დაბარების შესახებ ინფორმაცია მისთვის ცნობილი დღეს გახდა.
“დღეს შემატყობინეს, რომ თურმე მეც დაბარებული ვარ პროკურატურაში” – ამბობს თინა ბოკუჩავა.
ამასთან, “ერთიანობის” წარმომადგენელმა ხელისუფლების ოპონენტების გამოკითხვის პროცესს “მასკარადი” უწოდა და აღნიშნა, რომ აუცილებელია არჩევნებში დაფიქსირებული დარღვევების საერთაშორისო და დამოუკიდებელი გამოძიება, რომელსაც საზოგადოების მხრიდან მაღალი ნდობა ექნება.
”არსებობს სერიოზული ეჭვები, რომ არჩევნები გაყალბდა და ამას სჭირდება სერიოზული გამოძიება, რაც ბუნებრივია, არ გულისხმობს პროკურატურის მხრიდან პრეზიდენტი ზურაბიშვილის პროკურატურაში დაბარებას, ან თინა ბოკუჩავას პროკურატურაში დაბარებას, რაც სხვათა შორის დღეს შემატყობინეს, რომ თურმე მეც დაბარებული ვარ პროკურატურაში. სერიოზული გამოძიება ამ მასკარადის მოწყობას კი არ გულისხმობს, სერიოზული გამოძიება გულისხმობს საერთაშორისო აქტორების ჩართვას საგამოძიებო პროცესში, სადაც პროკურატურა კი არ მიითვისებს ხმის მიცემის და ვერიფიკაციის აპარატებს, არამედ რეალური, დამოუკიდებელი, მიუკერძოებელი გამოძიება ჩატარდება”, – ამბობს თინა ბოკუჩავა.
მსგავსი სტატიები:
“ჩემი ოცნება არის 7 მილიონიანი საქართველო, სადაც თითოეული თქვენგანის ადგილ იქნება”-შეხვედრა ათენში
“ციხის საავადმყოფოში მიხეილ სააკაშვილის სიცოცხლე საფრთხეშია”- გერმანული გამოცემა SPIEGEL მიხეილ სააკაშვილზე წერს
ნიკა გვარამია სუს-ში, გამოკითხვაზე მივიდა
დიაკონი მაქსიმე სვანიძე – კიდევ ერთი საინტერესო ადამიანი გურიის წარსულიდან
ანასეულის და ექადიის რკინის საბადოები – ძვ. წელთაღრიცხვის პირველი ათასწლეული
რამდენს აქვს საქართველოში 6,000 ლარზე მაღალი ხელფასი
„ჯონსონის ფიასკო სწორედ რიში სუნაკის თანამდებობიდან გადადგომით დაიწყო“ – რას წერს ზურაბ გურული?
ყირიმის ომი და გურია – შეკვეთილის სიმაგრის დაცემა და საზღვაო ბრძოლები