რუსმა ოკუპანტმა 14 წლის მოზარდს მამა თვალწინ მოუკლა. ბუჩაში, 17 მარტს მომხდარის შესახებ უკრაინული მედია ავრცელებს ინფორმაციას. 47 წლის რუსლან ნეჩეპურენკო და მისი 14 წლის შვილი, წამლებისა და ჰუმანიტარული დახმარების მისაღებად ოკუპირებული ბუჩას ცენტრში ველოსიპედებით მიდიოდნენ, რა დროსაც ოკუპანტმა მათი მისამართით სროლა დაიწყო.
„ველოსიპედებით მივდიოდით, როცა სახლიდან რუსი ჯარისკაცი გამოვიდა, გავჩერდით, ხელები ავწიეთ, იარაღი არ გვქონდა, მაგრამ ჯარისკაცმა მამაჩემს ესროლა, დაეცა. მერე ჯარისკაცმა მე მესროლა ორი ტყვია, დამარტყა, მიწაზე დავეცი” ამბობს 14 წლის მოზარდი, რომელიც დაიჭრა და მიუხედავად იმისა, რომ თავში უმიზნებდნენ, ტყვია არ მოხვედრია.
ოკუპანტის წასვლის შემდეგ, ბიჭი უახლოეს თავშესაფარში გაიქცა, სადაც პირველადი დახმარება გაუწიეს.
ოჯახი 2 დღე ვერ პოულობდა მოკლული კაცის ცხედარს. მას შემდეგ კი რაც ის ნახეს, აღმოჩნდა, რომ თეთრი ხელსახვევი, რასაც უკრაინელები მშვიდობიანი მოქალაქეების იდენტიფიცირების მიზნით იყენებენ, კაცს მოხსნილი ჰქონდა.
გარდა ამისა, ოკუპანტებმა წაიღეს მოკლულის ტელეფონი, საფულე და სახლის გასაღები.
ოჯახი ამჟამად ჩერკასის ოლქშია ევაკუირებული. დაჭრილი მოზარდის სიცოცხლეს საფრთხე არ ემუქრება.
მსგავსი სტატიები:
საქართველო რუსეთისთვის არამეგობრული ქვეყნების ათეულშია
ლავროვი: რუსეთი მზადაა საქართველოსთან ურთიერთობა აღადგინოს
“მე ვუთხარი ზელენსკის, რომ შენ უნდა წაიყვანო სააკაშვილი-მეთქი” – კიკაბიძე
კვლავ შეშფოთებულები ვართ მიხეილ სააკაშვილის ჯანმრთელობისა და უსაფრთხოების პირობების გამო – მაიკლ გალერი
გირჩი – მეტი თავისუფლება პოლიციელის ძალადობაზე: რეაგირება არ უშველის, სისტემაა შესაცვლელი
“ბორია, როგორც დაგპირდი, გაზაფხულზე ჩამოვალ…” | სოციალურ ქსელში ივანიშვილისა და რუსი ოლიგარქის საუბრის ჩანაწერი გავრცელდა
”მთავარია ცოცხალი ხარ…” – ზელენსკი ტყვეობიდან გამოხსნილ მელიტოპოლის მერს ესაუბრა
დეგნანი: შედეგები დგება, როცა ქვეყანა არ უერთდება საერთაშორისო სანქციებს