ქართველ პარტნიორებთან სრულფასოვანი თანამშრომლობის დაბრუნებით ვართ დაინტერესებული – კარასინი

რუსეთის საბჭოს საერთაშორისო საკითხთა კომიტეტის ხელმძღვანელი, გრიგორი კარასინი აცხადებს, რომ მოსკოვი ქართველ პარტნიორებთან ურთიერთსასარგებლო თანამშრომლობის დაბრუნებითაა დაინტერესებული.

კარასინი რუსულ სახელმწიფო საინფორმაციო სააგენტო TASS-თან ინტერვიუში საქართველოს პრემიერმინისტრის სპეციალური წარმომადგენლის თანამდებობაზე გიორგი ქაჯაიას დანიშვნასაც გამოეხმაურა და აღნიშნა, რომ “დადებითი შედეგები, რომლებსაც ბოლო 11 წელიწადში მიაღწიეს, კვლავ მოთხოვნადი იქნება”.

“დადებითი შედეგები, რომლებსაც ბოლო 11 წლის განმავლობაში მივაღწიეთ არაფორმალური დიალოგის ფარგლებში – საქართველოს პრემიერმინისტრის სპეციალურ წარმომადგენელთან, ზურაბ აბაშიძესთან შეხვედრებზე, კვლავ მოთხოვნადი იქნება – გიორგი ქაჯაიას დანიშვნის პირობებშიც. დარწმუნებული ვარ, რომ ეს მიღწევები კვლავ მოთხოვნადი იქნება. რუსეთი პრაგმატული დიალოგით და ქართველ პარტნიორებთან სრულფასოვანი ურთიერთსასარგებლო თანამშრომლობის დაბრუნებით დაინტერესებულია”, – თქვა კარასინმა.

მისივე თქმით, ამ წლების განმავლობაში ბევრს მიაღწიეს – მათ შორის აღდგა ავიამიმოსვლა, გაუქმდა სავიზო რეჟიმი საქართველოს მოქალაქეებისთვის.

***

რუსეთთან ურთიერთობის საკითხებში პრემიერმინისტრის მრჩეველი ზურაბ აბაშიძე აღარ იქნება. ამის შესახებ ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა, სადაც საკადრო ცვლილებებზე ისაუბრა. კობახიძის თქმით, თანამდებობის დატოვების გადაწყვეტილება აბაშიძემ თავად მიიღო. მისივე თქმით, აბაშიძე დღეიდან პრემიერმინისტრის მრჩეველი იქნება. მის ადგილს ახალი მრჩეველი გიორგი ქაჯაია დაიკავებს.

გააზიარეთ და მოიწონეთ სტატია:

მსგავსი სტატიები:

“მითხრა, აღარ შემიძლია, დავიღალეო” – როგორია თემურ წიკლაურის მდგომარეობა “საქართველოს და ევროკავშირის მომავალი სასწორზეა” “პარლამენტარო, პარლამენტარო და კიდევ ერთხელ პარლამენტაროო” ! 10 ყველაზე ლამაზი ტბა საქართველოში “29 ნოემბერს პროცესის ჩანიშვნა არის ცინიზმის მწვერვალი…მიხეილ სააკაშვილზე თქვეს მათ, რომ ამ დროისთვის ის მაინც არ იქნება ცოცხალი”-ნიკა გვარამია პეტრო პოროშენკო ხელწერილის საფუძველზე პატიმრობიდან გაათავისუფლეს მიხეილ სააკაშვილისთვის ჩატარებული სამედიცინო კვლევის შედეგები ორშაბათს გახდება ცნობილი „სურთ, რომ საქართველოში მოხდეს უბედურება და დაიწყოს ომი“ – მიხეილ ყაველაშვილი კელი დეგნანზე