“პრეზიდენტმა განაცხადა, რომ წლის ბოლომდე პოლიტიკური დაპირისპირების რეჟიმში იქნება და ყველა კანონპროექტს თუ კანონს ვეტოს დაადებს”

საპარლამენტო უმრავლესობის დეპუტატის, ნინო წილოსანის განცხადებით, საქართველოს პრემიერ-მინისტრის ირაკლი ღარიბაშვილის გადადგომის მოთხოვნას საფუძველი არ აქვს.

მისი თქმით, პრემიერის გადადგომის მოთხოვნა პოლარიზაციის გაღრმავებას და რადიკალურ მიზნებს ემსახურება, რასაც არანაირი გამართლება არ აქვს.

ნინო წილოსანის განცხადებით, დეპოლარიზაცია ცალმხრივად ვერ მოხდება და მასში ყველა ჩართული მხარე უნდა მონაწილეობდეს.

„ამ აქციების დროს, ჩვენმა რადიკალურმა ოპოზიციამ, თუ მისმა დაქვემდებარებულმა ორგანიზაციებმა თავიანთი მხარდამჭერები სრულადაც რომ გამოიყვანონ, ეს ვერ შეცვლის იმ ფაქტს, რომ მმართველ გუნდს ქვეყნის მასშტაბით მეტი მხარდამჭერი ჰყავს. იმ რეკომენდაციების შესრულება, რაც სახელმწიფოს მიეცა, ჩვენი ვალდებულებაა და ჩვენ მიუხედავად ამ აქციებისა, რა თქმა უნდა, ამ ყველაფერზე მუშაობა დაწყებული გვაქვს და როგორც აქამდე, ყოველ წელს და ეტაპობრივად ვუახლოვდებოდით ევროკავშირის ასევე, გავაგრძელებთ წლის ბოლომდე ამ პროცესს“, – განაცხადა ნინო წილოსანმა.

დეპუტატმა ასევე, საქართველოს პრეზიდენტის მიერ ფარული საგამოძიებო მოქმედებების ჩატარებასთან დაკავშირებულ კანონპროექტზე ვეტოს დადებაზე ისაუბრა და განაცხადა, რომ დეპოლარიზაციის მიზნის მიღწევის პროცესში პრეზიდენტის გადაწყვეტილება კონსტრუქციული ნაბიჯი არ არის.

„პრინციპში პრეზიდენტმა თავისივე განცხადებაში თქვა, რომ რადგან ვეტოს იურიდიულად მკაფიოდ ვერ ასაბუთებს, მან ამ ყველაფერს პოლიტიკური ელფერი მისცა. ასევე განაცხადა, რომ წლის ბოლომდე ასეთივე პოლიტიკური დაპირისპირების რეჟიმში იქნება და ყველა კანონპროექტს თუ კანონს ვეტოს დაადებს, რაც თავისთავად, მისი მხრიდან, დეპოლარიზაციის მიზნის მიღწევისას კონსტრუქციული ნაბიჯი არ არის“, – აღნიშნა წილოსანმა.

გააზიარეთ და მოიწონეთ სტატია:

მსგავსი სტატიები:

“ხალხს კი უნდა მოცილება ამ მთავრობის, მაგრამ”…. გურულები მოახლოვებულ არჩევნებზე ჯენიფერ ენისტონმა ქალ ლიდერებს “სთორი” მიუძღვნა, რომელშიც ზურაბიშვილიც მოხვდა 12 მტკიცებულება, რომ ძაღლები კატებს უცნაურობაში არ ჩამოუვარდებიან გია ცეცხლაძე: გურიაში ჰაერიც კი გაჟღენთილია სიახლის მოლოდინით – მერობის კანდიდატის დიდი გამოწვევა და ამბიციები შემოქმედელი მიტროპოლიტი მიხეილ სააკაშვილს – თქვენ დღეს ისე ახლოს ხართ ღმერთთან, როგორც არასდროს 28 იანვრის კოვიდსტატისტიკა “რუსეთში დაბრუნება აღარ უნდათ“–უკრაინული მხარე ამბობს, რომ 562 რუსი ტყვე ყავთ ომი გამოგვიცხადა საკუთარმა ხელისუფლებამ, რადგან ომი გამოუცხადა ღირებულებებს – ბერძენიშვილი